RSS

You are here

I Мihajlovićka: Akava sito dovada so konkretikane EU semninela vaš dizutnenge ani Srbia

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, hramisarda  avdive Memorandumi vaš halovipe phando e keripa projektno dokumentacia vaš rekonstrukcia sastrnalo drom kotar Velika Plana dži Niš, so sito jekh kotar anglune adamja ani realizacia akale projektesko sa investiciake molipa paše 550 milijojna evrja.

 

I Mihajlovićka ani konferencia vaš medije "EU vaš tuke-Vaš moderno thaj adikhardi Srbia", sebepi sikhavipe programi "Devipedumo EU ano gatisaripe projektjengo" (EU PPF), phendja kaj sasutno lungipe deonicako vaš savo gatisarinelape dokumentacia paše 111 km. 

 

"Vaš amenge akava sito semno dive soske la te realizuina semne projektja vaš save sigurno vakhardilo dekadenca, na numa kotar umal transporti, več ini kotar umal dživdipasko maškharipe, savo sito semno ini vaš Srbia, ama sito  semno ini avri Srbiata", phendja i Mihajlovićka. 

 

Voj phendja kaj ani učhaljin komentarjengo kotar nevo raporti Evropaka komisiako ačilo pučipe savo dizutne sakote ani Srbia pučena, a odova sito so amen sijamen kotar drom ani EU thaj so sa kera e EU. "Čačikane akajeka projektja vaš dizutnenge Srbiake siton indikatorja so amenge konkretikane anela drom ki EU, savakht te vazda standardja  ano sa umalja, te gatisara projektno dokumentacia thaj dža ani olengi realizacia", phendja voj.

 

"Gatisaripe projektno dokumentacia sito seriozno buti soske kerela presia pedo sa so palem kerelape ano projekti, pedo sigipe thaj efikasipe realizaciako. Ministribe vaš evropake integracie siole semni rola ano programiripe projektjengo thaj amenge dende semno ažutipe ini vaš gatisaripe projektesko vaš modernizacia sastrnalo dromesko Niš-Brestovac thaj rekonstrukcia beronge nakhavutne vudara ani HE"Djerdap 1", savi palo 30 berš manglape te revitalizuingol", phendja i Mihajlovićka.

 

Voj Memorandumi vaš halovipe phando e projektea modernizacia sastrnalo drom Velika Plana-Niš, savo sito vaš maškharipe ano gatisaripe projektno dokumentacia, hramisarda e ministarka vaš evropake integracie Jadranka Joksimović thaj k.b. generalno direktorea "Infrastruktura železnica Srbije" Miroljub Jevtić, a ano hramisaripe lela kotor ini šefi Delegaciako EU Sem Fabrici. 

 

 

I Joksimovićka phendja kaj programi EU PPF nanole vaš reso numa sigipe evropake integracie Srbiake, več ini te čačikane motahvol  kaj reso sitoj moderno thaj adikhardi Srbia thaj reslipe odole resosko šaj te ovol numa prekal partnerjengi relacia thaj kupatno anglunipe Srbiako thaj EU.

 

O Fabrici phendja kaj EU sar angluno donatori thaj investitori ani Srbia mangela te ovol akate ani Srbia, ama na numa prekal gatisaripe projekatjengo, već ini prekal olengi implementacia. "EU prekal programi EU PPF deladumo vaš keripe projektno dokumentacia vaš 15 projekatja save siton vaš aver aver umalja, ano odova ini dromutnipen thaj dživdipasko maškharipe, a po ulavdipe sito semno te oven lungotraimo thaj inčardutno", phendja vov. 

 

Ani prezentacia programesko lele kotor ini ministari vaš uluvipe dživdipasko maškharipe Goran Trivan, dizakopočekatuno Beogradesko Zoran Radojičić thaj k.b. ažutno ministaresko vaš finansije Marko Jovanović. 

 

Programi "Devipedumo Evropakao uniako ano gatisaripe projekatjengo" (EU PPF) sikhavela tehnikano ažutipe savo finansirinelpe kotar anglopašutnipaske fondja Evropaka uniake. Molipe programesko sito 21 milijojna evrja, kotar savo 19,7 milijojna evrja  donacia EU, a 1,29 milijojna evrja sito reslipe Thagarutna Republika Srbiaki. Reso programesko EU PPF sito zorakharipe tehnikake thaj administraciake kapacitetja kherutna adiministraciako ani umal vastalutnipe thaj labhanipe anglopašutne fondja EU, sar te sigarolpe procesi gatisaripasko vaš dženutnipe Srbiako ani EU.

 

Potencialno investiciako molipe 15 projekatjengo vaš savenge gatisarelpe projektno thaj tendersko dokumentacia, uzo devipedumo programesko EU PPF, pobaro sito kotar 900 milijojna evrja, a maškhar akala infrastrukturake projektja, maškhar sa, ini modernizacia sastrnalutnipaski, lačaripe sistemi vaš šužaripe melale pajnengo ano pobut dizja, sar ini čhivipe energetikano efikasipe ano publikake institucie ani Srbia.