RSS

You are here

I Mihajlovićka ano Braničevako regioni: Vaš droma 2,5 milijarde, investirina ano uluvipe Rupunalo derjav

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, vizituindja avdive Braničevako regioni thaj ano Veliko Gradište adikhardja bešipe e počekatune regionesko thaj presidentjenca ina komunengo ani tema infrastrukturno projekatja semne vaš akava agor.

 

"Numa ani rekonstrukcia dromengi ano Braničevako regioni ka investirina 2,5 milijarde dinarja, uzo vastušeja vaš rndomo adikharipe. Ani rekonstrukcia sastrnale droma thaj dromutnipe investirindjam pondž milijarde dinarja. Odova so amen adžahar adžukharela sito phandipe Požarevacesko e auto-dromea thaj lačaripe sigutni dromutni dži Gradište thaj Golupci. Odova ka semninol vaš ekonomia thaj turizmi, ama maj angle vaš sakoja familia ano akava agor, te ačhon thaj te dživdinen akate", phendja voj.

 

Ano bešipe phendilo kaj leipa ano masek savo avela lelape ini nevo projekti Ministribasko vaš lačaripe, dromutnipe thaj infrastruktura vaš pana uluvipe majbaro turistikano centri regionesko- Rupunalo derjav, prekal lačaripe pajneskophiripe thaj kanalizaciako sistemi.

 

Presidento komunako Veliko Gradište Dragan Milić naisardja e telopresidentkake thaj olake timeske pedo ažutipe thaj devipe dumo, phenipa kaj ano avdisutno bešipe halisalile disave klidutne projekatja vaš akaja komuna.

 

"Maškharipe e Thagarutna Srbiaki ano palune pondž berša sito ano po šukhar niveli ze so sine ikana. Avdive halisalam vaš rekonstrukcia dromesko Beli bagrem-Zatonje, lačaripe phiripasko-biciklistikano dromutnoro dži Rameski tvrdjava, sar ini asfaltiripe dromesko Gradište-Makce", phendja vov.

Aleksandar Djokić, počekatuno Braničevako regioni, phendja kaj avdisutno bešipe sine sig, šužo thaj efikasno thaj kaj e telopresidentka Thagarutnaki thaj ministarka vakhardilo kotar realizacia  pobut projektja semne vaš diz Požarevac thaj komune akale agoreske. 

 

" Vaš Braničevako regioni semno sito te barjarolpe dromutni infrastruktura, majšukhar misal sito agorisipe sastrnalutno drom Požarevac-Majdanpek, ka lačarolpe sigutni dromutni, ka la ini gas, thaj akana šaj numa te manga so pubut investicie", phendja o Djokić.