RSS

You are here

I Mihajlovićka: Devipedumo Thagarutnako vaš lačaripe beogradesko metro

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, adikhardja avdive konstitutivno bešipe Bukjaka grupako vaš realizacia projekteski lačaripe beogradesko metro. Ano bešipe, ano savo lele kotor ini ministri finansiako Siniša Mali thaj ažutno dizakopočekatuno Beogradesko Andreja Mladenović, definišisale resja bukjake thaj dikhlardile planesko thaj juridikako rami vaš realizacia lačaripe metrosko.

 

I Mihajlovićka phendja kaj lačaripe beogradesko metro semno  na numa vaš diz, već ini vaš sa phuv, thaj kaj Bukjaki grupa sitoj odote vaš devipedumo te dikhlarolpe lačaripe metrosko, sar ini te delpe thaj te dikhlarolpe dinamika realizaciako. 

 

Ano konstitutivno bešipe vakhardilo kaj ano bešipe savo ka adikharolpe ano kurko savo avela, te sikhavolpe studia sebepipaski e generalno projektea savi kerdi francuzjengi kompania"Ežis".

 

Lepara, telopresidentka Thagarutna Srbiaki hramisarda e kinaka kompania "Power China" Memorandumi kotar maškharipe a phando e realizacia projektesko "Beogradesko metro" ano rami Dujto samitesko "Kustik thaj drom" savo adikhardilo ano aprili ani Kina.

 

Ano konsitutivno bešipe Bukjako grupako vaš dikhlaripe realizacia projektesko "Lačaripe beogradesko metro" lele kotor ini dženutne dizjaka direkciake, Ministribaske vaš lačaripe, dromutnipe thaj infrastruktura thaj "Infrastruktura železnice Srbije", ani forma džene Bukjaka grupake.