RSS

You are here

I Mihajlovićka dikhlardja bukja ani pruga Beogradi-Budimpešta: Evropako sastrnalutno koridori lačara e Kina thaj Rusia

I Telopresidentka Thagarutna Srbiaki prof. dr Zorana Mihajlović dikhlardja avdive bukja ano modrnizacia prugaki Beograd-Budimpešta ki Indjija, pi savi kerela buti rusiaki kompania "RŽD internacional", kote čhivdile anglune 17 kilomatarja neve pruge vaš sigipe dži 200 km ano sati.

 

"Akaja pruga nane numa šine thaj pragja - voj sikhavela amari politika ani infrastruktura thaj dromutnipe. Akaja pruga savo sitoj kotor kinako globalno projekti "Kustik thaj drom" lačara e "Rusiake železnice", a voj ka ovol evropako koridori savo phanela centralno e mesmer Evropa thaj lačarelape pe evropikane standardja", phendja i Mihajlovićka.

 

Kupate e telopresidentka lačaripe akala prugako dikhlardja ambasadori Rusiaki Federacia ani Srbia Aleksandar Čepurin thaj presidento Thagarutna Vojvodinako Igor Mirović.

 

I Mihajlovićka sikhavdja baro čaljardipe bukjenca "Rusiake železnice" pedi akaja deonica kotar Stara Pazova dži Novi Sad, thaj phendja kaj vaš Srbia semno te ovelola moderno dromja thaj pruge thaj kaj pedo olende te keren buti majšukhar kompanie.

 

"Barjaripe sastranalutnaki amaro prioriteti, paše 500 km regionalno pruge kerdjam rekonstrukcia, a ano sigutne pruge maškhar Beogradi thaj Budimpešta investirina paše duj milijarde evrja. Adžukharava ini ano berš savo avela te la lačaripe trito deonicako, kotar Novi Sad dži Subotica", phendja voj.

 

Vojvodinako premieri Igor Mirović naisardja e Thagarutna Srbiake thaj poulavdipe e telopresidentkake Mihajlović pedo bari buti vaš akava projekti te realizuinolpe, phenipa kaj  vov sito but semno vaš Vojvodina.

"Ka phana Novi Sad e Beogradea, dži savo po agor 2021. ka trada diso pubut kotar kvašo sati.

 

A palem ini e Subotica thaj podur ki Evropa. Akava projekti  si semno soske ka phanahape pedo sistemi sigutne pruge ani Evropa, so amen legarela ki podur ekonomikano barjaripe, poulavdipe barjaripe ekonomiako", phendja o Mirović.

 

Аmasadori Čepurin phendja kaj ekonomikane relacie duje phuvjengo barjona but pozitivno palune berša, ama si thanutnipe thaj potenciali vaš maškharipe pana but.

 

"Barjaripe dromutnipe thaj infrastruktura, lačaripe dromengo thaj prugengo semno si šarti barjaripe ekonomikane relacie Rusia thaj Srbia. Ini vaš odova akaja projekti sito semno. Adikhara kaj ka lungara labdardo maškharipe, soske odova ano interesi solduj phuvjengo", phendja o Čepurin.

 

Dostjen kotar čhandi thaj kvaliteti kerdutne bukjengo, sar ini kotar odova so ačhilo pana te kerolpe pendžakarde javerutno direktori kompaniako rusiake sastrnalutne "RŽD internacional" o Mansurbek Sultanov thaj k.b. generalno direktori "Infrastrukture železnice Srbije", o Miroljub Jevtić.