RSS

You are here

I Mihajlovićka: Džandipe Češkako sito semno, šaj but te siklova

I TelopresidentkaThagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj vizita presidento Češkako Republikako Miloš Zemanesko ani Srbia semni, leipe ano dikhipe kaj Češka sitoj dženutni Višegradeska grupako, sar ini kaj ano plenarno bešipe  delegaciengo duje raštrengo vakhardilo kotar realizacia bare projektjengo, finansirime kotar rig EU.

 

"But  diso šaj te siklova kotar Češka. Voj sitoj dženutni  Višegradeska grupaki, a Srbia sitoj inardi maškharipaske e akala štartuna ini odova maškharipe manglape pobuder te barjara. Avdive pharuvindjam empirie kotar infrastrukturake projektja, po ulavdipe kana lafi kotar sastrnalutni thaj sigutne pruge, kotar čhandipe thaj standardja phandipaske. Srbia realizuinela but projektja kotar IPA vastušeja thaj empirie Češkake kana amen adžahar dikha but semne", phendja voj.

 

I Mihajlovićka, sar dženutni raštrake delegaciako, sine ini ano Srbikano-češkako biznis forumi, savo avdive ani Palata Srbia  putardja presidentja Srbiako thaj Češkako, Aleksandar Vučić thaj Miloš Zeman.

 

Ano rami oficielno vizita presidento Češkako  Republikako ani Srbia, Mihajlovićka  ano planeske satja ka malavdinolpe e češkake ministrea vaš transporti, Vladimir Kremlikea.