RSS

You are here

I Mihajlovićka e direktorea “Rio Tinto”: Jadar kotar baro semnipe vaš Srbia

Telopresidentka Thagarutna Srbiaki thaj ministarka vaš lačharipe, dromutnipe thaj infrastruktura, prof. dr Zorana Mihajlović maladisali avdive e Marni Finlajson, generalno direktori kompania “Rio Tinto” (Rio Sava Exploration d. o. o.), savea vakhardja kotar realizacia projektesko “Jadar” ano pašutnipe Loznicako.

 

Ano bešipe sine svato kotar dromutni infrastruktura thaj telopresidentka Mihajlović vaš odova phendja kaj akana kerelape projektesko-tehnikaki dokumentacia vaš lačharipe sig dromutni Šabac-Loznica, soske Srbia sitoj vaš regionalno phandipe, a bi barjaripe infrastrukturako nane ni ekonomikano anglunipe.

 

„Jadar sito projekti kotar baro semnipe vaš amari phuv thaj Ministipe savo legarava ka dol pherdo devipe dumo oleska realizaciake, sar ano dikhipe infrastrukturno bukja, adjahar ini ano aver faze save siton vaš thanutnipasko planiripe thaj lačharipaske mukhlipaske lila. Lošale sijam so adžajar suksesno kompania dikhela Srbia sar atraktivno investiciako maškaripe thaj so jekh moderno rudniko, savo sito ano rami e neve tehnologienca, ka ovol lačhardo ano amari phuv”, phendja voj.

 

Marni Finlajson pendžardja e telopresidentka Mihajlović e dinamika implementacia projektesko “Jadar”, phenipa kaj sito akana keripe projektno dokumentacia thaj najsardja ministarkake thaj olake timeske pedo suporti savo dena.

Ano bešipe verifikuisalo kupatno interesi duj rigjengo vaš lungaripe popaše maškaripe pedo barjaripe modern rudnikja thaj industrijake mašine.

 

Projekti “Jadar” astarela jekh kotar majsemne lumiake haniga litijum-borat, savo arakhlilo ano pašipe Loznicako. Jadar sito numa jekh than ani lumia kote šaj akava minerali te arakholpe thaj barjaripe projektesko šaj te anol devipe ano semno procenti vaš lumiako manglipe kotar litijumi.