RSS

You are here

I Mihajlovićka e firma "Aktor": Prioriteti sito agorisipe javinutnorigako phak Koridori 10

I Telopresidentka Thagarutna Srbiaki thaj ministarka vaš lačaripe,dromutnipe thaj infrastruktura, prof. dr Zorana Mihajlović, vakhardja avdive e vastalutnenca greciaka kompaniako "Aktor", savi sitoj kerdutni bukjako ano štar deonice po javunutnorigako phak Koridori 10.

 

"Amaro reso thaj prioriteti sito kaj kompletno javinutno phak Koridoresko 10 so po sig mukhelape ano dromutnipe, kaj dizutne ole šaj te labarinen thaj agor Srbiako savo sito pašlo pedo akava auto-drom šaj po sig te barjarolpe", phendja i Mihajlovićka. 

 

Voj phendja kaj na mangela te garavol bičhalardipe Thagarutna Srbiako nakhavipa rokjengo ano deonice pedo javinutno phak ano save kerdoj buti "Aktor" thaj na kobor manglape bučarne thaj mašine ano lačarimaskethana. 

 

"Tumendar adžukharava šužo plani thaj napja save ka len vaš o projekti te agorisinolpe. Džana kaj "Aktor" kotar nakhlo berš siole nevi direkcia, savi lele ini purane but problemja, ama ini amen sar ministribe lele sijam purane projektja, leipa odolea ini godaripe te agorisina problemja",phendja i Mihajlovićka ano bešipe e presidentoa thaj direktorea "Aktoresko", Anastasios Kalicantsisea thaj Aleksandros Eharhuea.

 

O Kalicantsis thaj o Eharhu phende kaj kompania ka kerol sa te agorisinolpe projekti thaj te pharuvinolpe percepcia kotar buti "Aktoresko" ani Srbia.