RSS

You are here

I Mihajlovićka e javerutnea ministresko vaš dromutnipe BthajH kotar nakhavipe ano Bratunaci thaj auto-drom Beograd-Sarajevo

I Telopresidentka Thagarutna Srbiaki thaj ministarka vaš lačardipe,dromutnipe thaj infrastruktura, prof. dr Zorana Mihajlović, malavdisali avdive, ani margina putaripe bešipasko e  Transportno khupatnaki ano Beogradi, e javerutnea ministresko vaš komunkacie thajkinipe-biknipe Bosna thaj Hercegovinako Saša Dalipagićea, savea vakhardja kotar aktuelno infrastrukturno projektja duje raštrengo.

 

"Sar so džanena, Srbia nakhela ano lačardipe auto-dromesko ki BthaH, ani trasa kotar Sremeski Rača dži Kuzmin. Vaš trasa Požega-Kotorman akana sito keripe projektesko-tehnikaki dokumentacia. Akava sito semno projekti vaš solduj phuvjenge thaj pana pozorale phandipe. Dži akana sinamen šukhar maškharipe, adžukharava ano so po paše periodi te jekhavazina ini duj maškharraštrake halovipe, sar vaš lačardipe auto-drom Beograd-Sarajevo, adžahar ini halovipe kotar adikharipe sa purtjengo maškhar duj phuvja, save si 11", phendja i Mihajlovićka.

 

Voj sikhavdja ini adžukharipe kaj bosnaki rig sig ka agorisinol pučipe samatrendengo nakhavipe pedi purt Ljubovija-Bratunac, soske odova sito ano interesi dizutnengo thaj sitoj vaš odova te formirinenpe kupatne samatrendjenge nakhavipe maškhar Srbia thaj BthajH, kote sa šaj.

 

Javerutno ministresko BthajH phendja e telopresidentkake Mihajlović kaj adžukharela sig te resenpe vastušeja save pana mangenape ano budžeti vaš lačardipe lepardo samatrendjengo nakhavipe thaj dela dumo idejake vaš khupatne nakhavipe.

 

"Ka kera sa kaj dži po agor beršesko hramisara solduj maškharraštrake halovipe. Tumari thaj devipedumo presidento Vučićeski vaš lačardipe auto-drom kotar Sarajevo dži Beogradi amenge sito but semno. Nanamen putarde pučipe thaj lungara kupatno maškharipe", phendja o Dalipagić.