RSS

You are here

I Mihajlovićka: Ina milijojna dinarja vaš devipedumo sigurno kherenge thaj lelutnenge, na sijen korkore ani tumari mareba

I Telopresidentka Thagarutni Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, hramisarda avdive kontraktja molipa paše ina milijojna dinarja vaš realizacia projekatja ano sigurno khera, irisarutne khera thaj lelutne khera vaš čhavorenge thaj phendja kaj ni viktimja pedozoralipaske, ni odola save kerena buti ano odola khera, nane korkore.

 

"Akava sito trito berš sar Ministribe vaš lačaripe, dromutnipe thaj infrastruktura ano akava ulavela love, save šaj nane bare, šaj siton simbolikane, ama siton jekh forma devipedumo organizacienge savo kerena sa te lačaren šartja ano sigurno khera thaj institucie ano save bešena čhavore", phendja i Mihajlovićka, e žurnalistjenge palo hramisaripe kontraktja.

 

Voj ulavdja kaj Thagarutni Srbiaki thaj Ministribe vaš lačaripe, dromutnipe thaj infrastruktura lačarena thaj nevisaren dromja, purtja, pruge, aerodromja thaj lejnaki infrastruktura vaš dizutne Srbiake, ama sa so kerelape ani odoja umal nane kobor manglape sa dži si džuvla save siton talo zoralipe, jase čhavore savenge khonik na kerela bajo jase adžahar siton tali daj forma zoralipaski.

 

"Sa so lačara thaj kera matrialno nane kobor manglape  te sine kaj bistara te gndina pedo manuša trujal amende. Akana kana na mukha ni jekh džuvli jase čhavoro te ciden, po drom sijam te kera suksesno thaj moderno phuv", phendja i Mihajlovićka, savi sitoj ini presidentka Koordinaciako trupo vaš njamesko jekh jekhipe.

 

I Telopresidentka Thagarutnaki phendja kaj manuša save kerena buti ano uluvipe familiako pedozoralipe thaj uluvipe čhavorengo siton ini heroja save nane korkore ani poro mareba, sar so nane korkore ni džuvlja ni čhavore save sine tali daj forma zoralipaski.

 

Vastalutno Sigurno kher Sombor Tamara Savović, phendja kaj sakova kher ani Srbia manglape te ovol sigurno thaj arakhutno thaj odova nane numa pučipe garavipe lokacia ano save arakhenape sigurno khera, več ini sa so raštra kerela kaj viktimjenge pedozoralipaske resela siguripe thaj uluvipe.

 

Direktori Centresko vaš socialno buti ano Leskovci, Predrag Momčilović, naisardja e telopresidentkake thaj Ministribaske pedo devipedumo savo dena odola instituciake prekal projketja ake trito berš rndoa thaj phendja kaj dendutne vastušeja ka ažutinen vaš te anglunisarolpe šartja bešipaske ani akaja inistitucia, savi ano Leskovaci sitoj kotar 2004. berš.

 

Love vaš realizacia projektengo ani umal socialno bešipe Ministribe vaš lačaripe, dromutnipe thaj infrastruktura dela prekal publikake konkursja.

 

Avidve hramisale ina kontraktja e amalipenca thaj organizacienca civilno amalipaske, sa molipa 8,75 milijojna dinarja, vaš projektja save astarena efta sigurno khera-kotar Niš, Leskovci, Vranjsko banja, Sremeski Kamenica, Sombori, Smederevo thaj Sremeski Mitrovica, lelutno kher vaš čhavore thaj terne kotar Kragujevci thaj irisarutno kher vaš čhavorenge kotar Beogradi.

 

Angluno reso konkursesko sitoj realizacia projektjengi vaš te kerelpe buti pedo objektja vaš bešipe dženengo so siton viktimja familiake pedozoralipe thaj čhavorenge, ano reso te lačarenpe olenge šartja bešipaske.