RSS

You are here

I Мihajlovićka: Inara amare lejna ani karta evropake koridorja

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive,putaripa Biznis forumi Republika Srbia-Rusiaki Federacia, kaj barjaripe pajnesko dromutnipe thaj investicie save realizuinena raštre semno zumavipe ekonomikano barjaripe thaj šansa vaš neve bukja vaš firme save kerena buti ani akaja umal.

 

"Pajnesko dromutnipe veke nane khatinde kotar rig soske Thagarutni Srbiaki investirinela pobut kotar 300 milijojna evrja ano pajnesko dromutnipe, a sa investicia sitoj paše 500 milijojna evrja, te sine kaj ano odova dikha ini investicie privatno sektoresko.Ka lačarolpe nevi porto ano Beogradi, Sremeski Mitrovica thaj Bogojevo, ka kerolpe rekonstrukcia beronge nakhavutne vudara HE "Djerdap 1" thaj HE"Djerdap 2", ka kerolpe ini nakhavutno vudar ini pi Tisa, a ka resolpe kaj ini amare lejna ovena vaš tradipaske kotar sa o berš", phendja i Mihajlovićka.

 

Voj phendja  kaj relacia Srbiaki e Rusiaka Federacia nane numa amalipaske,  već siton ini šukhar bilaterlano relacie, lače relacie duj presidentjengo, so dikholape ini pedo ekonomikane indikatorja."Sijamen ake suksesno maškharipe e Rusiaka satrnalutna thaj manga odova maškharipe po dur te bufljara", phendja voj. 

 

Vakheripa kotar pajnesko dromutnipe,  i Mihajlovićka phendja kaj but bilače gendja  vaš odola so kerena sine buti kotar pajnesko dromutnipe kaj anglo 2000. berš sine ina, jase deš berolačardipe, a avdive duj drom pohari. "Varekana ano berolačardipe kerena sine paše 6.000 manuša, avdive paše 900. Tradicia si, ama tradicia nane kobor sa manglape tana sine kaj nane neve džanipe thaj kapitali", phendja voj.

 

Voj pana phendja kaj ano 2015. Dunavea thaj Sava tradisalo 7,5 milijojna tone roba, dži po agor 2019. adžukharelape te ovol tradimo 12 milijojna tone roba, a amaro reso kaj ano berša so avena te bajrol pedo 15 milijojna tone. "Odova vakharela kaj manglape polokhe te inara pajnesko dromutnipe ani karta evropake transportno koridorja", phendja i telopresidentka Thagarutnaki. 

 

I Mihajlovićka ano rami forumesko ano Beogradi, ano savo lele kotor 50 srbikane thaj rusikane kompanie, e javerutno ministrea vaš industria thaj kinipe biknipe Rusiaka Federaciako Oleg Rjazancevea, hramisarda ini Memorandumi kotar dujerigutno halovipe maškhar akava ministribe thaj Ministribe vaš lačaripe, dromutnipe thaj infrastruktura kotar maškharipe ani umal marketesko berolačardipe.

 

O Rjazancevi phendja kaj robako pharuvipe maškhar duj phuvja ano nakhlo berš sine paše duj milijarde dolarja thaj kaj si baro potenciali vaš barjaripe ekonomikano maškharipe ani umal beronginipe. "Srbia dela bari pačiv vaš barjaripe pajnesko dromutnipe, a amen sijam gata odote te da tumenge dumo, te sikhava amare  projektja thaj te da aver aver forme maškharipaske, ano odova ini lokalizacia amari produkcia  ano srbikane berolačardipa", phendja o Rjazancev.

 

 O Telopresidenti Thagarutnako thaj ministri vaš kinipe biknipe, turizmi thaj telekomunikacia, Rasim Ljajić, phendja kaj majbaro mištipe kotar maškharipe ani umal lejnako dromutnipe thaj berolačardipe šaj te ovelole turizmi, kote reso sito kaj dži 2020. berš  te bajrol gendo rusikane turistjengo pe 100.000,  e adžukharde paše 70.000 ano akava berš. "Amaro reso sito te bufljara amaro turistikano programi, ano odova ini len Dunavi sar jekh kotar majatraktivno destinacia ani Evropa thaj ini po dur barjakara nautikako turizmi", phendja o Ljajić.  

 

Presidento Ekonomikano komora Srbiaki, o Marko Čadež, phendja kaj si baro šaipe vaš maškharipe ani umal pajnesko dromutnipe, poulavdipe kaj dikha investicie Thagarutna Srbiake ano barjaripe lejnaki infrastruktura a poulavdipe portjengo." Kotar kiši ekonomiako akaja sitoj lačhi šansa vaš phandipe srbikane thaj rusikane kompanie ani rekonstrukcia porteski infrastruktura, sar ini modernizacia flotaki", phendja o Čadež.