RSS

You are here

I Mihajlovićka: Inkluzia Romengi thaj Romnjengi ano amalipe adamo pi pošukhar thaj labdardi Srbia

I Telopresidentka Thagarutna Srbiaki thaj presidentka Koordinaciako trupesko vaš dikhlaripe realizacia Strategiako vaš socialno unkluzia Romengi thaj Romnjengi ani Republika Srbia (2016-2025), prof. dr Zorana Mihajlović, adikhardja avdive 4. bešipe Koordinaciako trupesko, pedo savo dikhlardile raportja kotar realizacia džiavdisutne aktivipe thaj halovipe vaš adamja save avena, ano reso labdardipe integracia romana kupatnako ano amalipe.

 

I Мihajlovićka phendja kaj sitoj barikani pi buti Koordinaciako trupesko thaj kaj, vaš ulavdipe kotar nakhle deš berš kanu numa vakhardilo kotar pašloipe Romengo thaj Romnjengo, akana sijamen rezultatja.

 

"Kupate e maškharthemutne thaj nacionalno partnerja kera sa vaš socialno inkluzia Romengi thaj Romnjengi ovela so  labdardi thaj te tiknarelpe diskriminacia. Soske, te sine ini jekh dženutno romana kupatnako  siole problemi kana situ ano pučipe edukacia, khuvipe pi buti, šartja bešipe ano khera jase astarerelape e butvar diskriminacia, so sitoj situacia e Romnjenca, našti te vakhara kotar adikhardo amalipe", phendj voj.

 

I Telopresidentka Thagarutnaki phendja kaj raštra, uzo devipedumo maškharthemutne partnerja, kerela po lačaripe komunalno infrastruktura thaj socialno khera.

 

"Numa kupate šaj te kera rezultatja, a on ka oven dikhlarde pe lokalno niveli. Po ulavdipe čhivava akcenti pedo edukacia, soske odova sitoj baza vaš podur barjaripe - ta na oven barijere vaš registripe ano škole thaj fakultetja thaj te kera šartja vaš romane čhavore te školuinenpe. Sigurno sem kaj inkluzia Romengi thaj Romnjengi ano amalipe adamo pi pošukhar thaj po labdardi Srbia", vakherdja i Mihajlovićka.

 

Voj phendja kaj stipendiripe sikljovengo romana kupatnako ka ovol lungardo ini podur, reslile vastušeja vaš 303 nakhle thaj 547 akale školake beršeske, sar ini kaj ano palune štar berša dendilo trin milje stipendie vaš romane sikljovne, kotar odova 65% siton čhajorja. Ano 2018/19 školako berš dendile 850 stipendie. 

 

I Dragana Jovanović Arijas, menadžerka Timesko vaš socialno inkluzia thaj tiknaripe čorolipasko, phendja kaj ano avdisutno bešipe sine svato ini kotar nevo akciako plani vaš realizacia Strategiako vaš socialno inkluzia Romengi thaj Romnjengi.

 

"Nevo akciako plani sito ani finalno faza keripaski thaj harmonizuimo e sa prioritetjenca save siton musaj vaš labdardi integracia Srbiaki ano drom ki Evropaki unia, po ulavdipe e Telošerea 23", phendja voj.

I Pava Novakov Čabrilovski kotar Nacionalno konsili romane nacionalno minoriteti phendja kaj maškharipe akale konsilesko e Koordinaciake trupea akana labdardi thaj po konkretno. 

 

"Koordinaciako trupo majsemno sito ano dikhlaripe realizacia Strategiako. Numa kupate maškharipa thaj zoralipa šaj te realizuina sa resja save anglal amende čhivgjam, a siton vaš lačaripe pašloipe Romeno thaj Romnjengo ano amalipe", phendja voj.

 

I Aleksandra Dimić Ugrinaj kotar Germaniaki organizacia vaš maškharipe (GIZ) phendja kaj sitoj čaljardi vaš maškharipe e Thagarutna Srbia thaj Koordinaciake trupea pi realizacia projektesko "Inkluzia Romengi thaj aver marginalizuime grupe ani Srbia".

 

"Avdive dikhlardjam podur  adamja vaš anglunisaripe pašloipe romana kupatnako, so ini sito reso amare projektesko - te implementirina but semni strategia thaj te kera reslipe vaš socialno thaj ekonomikano zoralipe Romengo thaj Romnjengo", phendja voj.