RSS

You are here

I Mihajlovićka: Investiripe ano pajnesko dromutnipe kvaši milijarda evrja

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, malavdisali avdive e Oleg Rjazancea, javerutno ministresko vaš industria thaj kinipe biknipe Rusiaka Federaciako, savea vakhardja kotar šaipe maškharipasko ani umal pajnesko dromutnipe thaj berolačardipe.

 

I Mihajlovićka phendja kaj duj raštre siolen na numa šukhar bilateralno thaj amalikane relacie, već ini but šukhar maškharipe ano sa infrastrukturake projektja save kupate realizuinena. 

 

 "Srbia sig bajrola, uzo investiripe ano dromesko thaj sastrnalutno dromutnipen, ano palune duj berša kerdjam miškope ano pajnesko transporti, ano savo ka investirina kvaši milijarda evrja. Barikane sijam pedi amari tradicia ano berolačardipe thaj manga e Rusiaka Federacia  te barjakara maškharipe ini ani akaja umal, ani savi ani Srbia nane investirisalo dekadenca", phendja i Mihajlovićka.

 

O Oleg Rjazancev  phendja kaj Rusiaki Federacia gata te dol dumo Srbiake ano barjaripe berolačardipe thaj pajnesko dromutnipe. 

 

"Pendjardilam kobor pačiv dena vaš barjaripe berolačardipe thaj pajnesko transporti. Akate sijam te da dumo, te ulava amare ekspirie thaj džandipe thaj te barjakara amare tehnologie ini ani teritoria Srbiaki. Sigurno sem kaj ano avdisutno biznis forumi ka vakhara kotar konretikano manglipe thaj optimalno agorisipe", phendja vov.

 

I Mihajlovićka thaj o Rjazencev kupate putarde Biznis forumi maškhar Republika Srbia thaj Rusiaki Federacia, savi ka kedol pobuder kotar 60 kompanie. 

 

I Mihajlovićka po agorisipe bešipasko rusiake kolegaske dendja azbuka ano galbenoišlipe, buti srbikane džuvljengo kotar gava, save ano rami iniciativako" Te čhiva ani buti milja džuvlja ano ruralno agorja" kerena tradicionalno srbikane vastalutnokeripe. Iniciativa "Milja džuvlja" inicirinde Koordinaciako trupo vaš njamesko jekh jekhipe, NALED thaj Etno-mreža