RSS

You are here

I Mihajlovićka kotar raporti EK: Nane ekonomikano barjaripe bi anglunipe ano lačarutnipe thaj transporti

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avidve, pučlipa te komentarišinol beršesko raporti Evropaka komisiako kotar anglipe Srbiako kotar kiši resoresko savo legarela, kaj sa kanunja kotar umal dromutnipe harmonizuime e standardjenca EU, thaj kaj ulavde sitoj barikani pedo sastrnalutnesko sektori, savo pendžardilo, ini kaj po anglune berša sine trumimo ki rig thaj sine ano problemja.

 

„Ini kaj but umalja ano raporti ačhile ani učhaljin agorisipe pučipe pedo pučiba, a odova sito Kosovo thaj Metohia, pačavisalo anglunipe save reslam ano aver aver umalja transporteske thaj pedo odova sim barikani. Sa odova našti sine te ovol bi reformjengo save lelam anglo disave berša thaj ka lundjara te investirina ano sa forme dromutnipaske, po ulavdipe ano sastrnalutno sektori, ama ini ano arakhipe ano droma thaj ano sastrnalutni", phendja voj.

 

I Мihajlovićka phendja kaja nane ekonomikano barjaripe tana sine kaj nane anglunipe ano sektorja lačaripaske thaj transporti.

 

"Sa so kerdilo ani umal lačaripaski sine šukharipe pedo čhinadipe bizniseske. Elektronikano lačarimaske mukhlipaske lila thaj čhinadipe bizniseske pendžardile ano raporti EK thaj nane sural so sijamen but učo niveli direktno avrijalutne investicie. Ka lundjara e reformjenca thaj pakhjavava kaj ano raporti ano berš so avela pana diso ka resa  sar rezultatja", phendja voj.

 

Каna sito svato kotar njamesko jekh jekhipe, i Mihajlovićka phendja kaj kerinindoj komparacia akale beršesko e raportea kotar 2018. berš pendžardilo na numa buti ani akaja umal thaj egzistiripe Koordinaciako trupo, već ini Indeksi njamesko jekh jekhipe, ano savo Srbia notirinela but po šukhar rezultatja ze anglo duj berš.

"Jekhuni sijam phuv avri EU savi čhivdi akava evropako standardi. Uzo odova, but pobut pačiv musaj te da e hačarime grupe džuvljenge, po ulavdipe džuvljenge kotar gava thaj džuvljenge e invaliditea", phendja i Mihajlovićka.