RSS

You are here

I Mihajlovićka: Palo paše 40 berš majmoderno lokomotive vaš tradipe pharipasko

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj Thagarutni Srbiaki investirinela ano barjaripe thaj modernizipe sastrnalutnako vaš e Srbia te ovol bitrujalutno tranzitno koridori.

 

 I Мihajlovićka savi ano sastrnalutni stanica ano Resniko lela kotor ano mukhlipe ano dromutnipe"Simenseske" "vektron" lokomotive firmake "Srbija kargo", phendja kaj nane khonik po semno kotar rekonstrukcia prugengi thaj neve pampurja.

 

"Dešušov neve lokomotive semne na numa vaš "Srbija kargo", več ini vaš Srbia, soske amaro reso sito kaj Srbia ini ano sastrnalutno, sar ini ano dromesko dromutnipen, ovela bitrujalutno tranzitno koridori. Vaš odova amenge manglape lačarde pruge, neve pampurja, kvalifikuime mašinakelegardutne, sar ini te dikhlara tehnologiako anglunipe ani lumia. Musaj te lungara te investirina, si pana but buti anglo amende vaš majbut pondž dži šov berš te ovelamen kompletno modernizuimo sastrnalutno Koridori 10. Avdive but dženenge odova dikhola bipakjavipasko, ama odova sine ini bipakjavipasko ini 2014. sa odova so dži akana kerdjam ani modernizacia sastrnalutnako", phenela i Mihajlovićka.

 

Voj lepardja kaj ano nakhlo periodi lelile 48 dromutnipaske pampurja, a akana, palo paše 40 berš, ini 16 vaš pharipe lokomotive. "Anglo disave berša ano proseko phuripe mašinakelegardutnengo ano "Srbija kargo" sine paše 50 berš, a ano nakhle duj berš khuvde pi buti paše 180 terne mašinakelegardutne. Ano nakhlo periodi nevisalilo paše 500 km pruge, a pana paše 500 km pruge ka oven nevisarde ano akava thaj berš so avela", phendja i Mihajlovićka.

 

  1. b. generalno direktori "Srbija kargo", o Dušan Garibović, phendja kaj neve, majmoderno "Simenseske" lokomotive lelile uzo devipedumo Thagarutna Srbiaki, telopresidentka Thagarutnaki, resorno ministribe thaj Evropaki banka vaš nevisaraipe thaj barjaripe. "Kotar adive majterni lokomotiva "Srbija karga" nane phurani 38 berš, več e 16 neve lokomotivenca iklova ano malavdipe manglipasko sa investitorjengo save labarinena servisi sastrnalutnako", phendja o Garibović

 

Generalno direktori komapniako"Simens" ani Srbia Udo Ajhlinger phendja kaj uzo akala lokomotive save dendile  "Srbija kargeske" akaja firma ka ovol but konkurentno ano tradipe pharipasko ano sastrnalutno Koridori 10, ama ini avri odole koridoresko.

Ano leipe neve 16 lokomotive dendile 64 milijojna evrja.