RSS

You are here

I Mihajlovićka: Sektori transporti ani Srbia harmonizuimo e EU, majbaro anglunipe ano sastrnalutnipe

I Telopresidentka Thagarutna Srbiaki thaj ministarka vaš lačaripe,dromutnipe thaj infrastruktura, prof. dr Zorana Mihajlović, vakherela kaj beršesko raporti Evropaka komisiako kotar anglunipe vaš 2019. sikhavdja kaj Srbia siola lačho niveli gatisaripasko ani umal transporti thaj kana dikhelape nakhlo raporti  astradilo anglunipe, po ulavdipe ani reforma sastrnalutnipasko.

 

"Ini kaj aver teme ano raporti Evropaka komisiako kotar anglunipe Srbiako hari tali učhaljin kosovako pučipasko, pačavisalo anglunipe savo kerdilo ano aver aver umalja transportesko, maj angle ano sastrnalutnipe, ama ini ano dromesko, pajnesko thaj aero dromutnipe. Odova sikhavela kaj labarindjam periodi kotar nakhlo raporti vaš legaripe reformjengo thaj sar phuv pana pobut pašardilam  pe majuče evropake standardja ani akaja umal, pe savo ka lungara te kera buti", phenela i Mihajlovićka. Voj pana phenela kaj ano raporti delape nota kaj transportno politika jekh kotar umalja ano save Srbia kana siola lačho niveli gatisaripasko vaš dženipe ani EU. 

 

Ano raporti EK maškhar sa phenelape kaj ano 2018. Srbia lela neve kanunja kotar sastrnaluntipe, kotar  arakhipe ano sastrnalunto dromutnipe thaj  interoperabilipe sastrnalutno sistemesko, savea reslilo učo niveli harmonizipasko e regulativa EU pedo lačaripe jekhutno evropake sastrnalutne regije.

 

Ano dromesko transporti harmonizuipe  notirinelape sar čaljardo, uzi konstatacia kaj kanunja ani umal tradipe pharipasko thaj tradipe dromutnengo ano dromesko dromutnipe harmonizuime e regulativa EU, sar kaj ano disave umalja kherutni regulativa pana pobut harmonizuimi e evropaka regulativa. 

 

Učo nivelo harmonizuipasko e regulativa EU sito ini ano norme save siton vaš andruno pajnesko tradipe ano pajnesko dromutnipe. Phenelape kaj lejnake informaciake servisja (RIS) operativno thaj učo interoperabilno e sistemjenca raštrengo dženutne  EU thaj anglunisarde čhivipa sistemi vaš navigacia ano Dunavi. Ano aero dromutnipe, Srbia siola lačho niveli harmonizuipasko e regulativa EU. Semno anglunipe reslilo ano labaripe Halovipasko kotar lačaripe evropake aerotradipaske regije, a regulativa ani umal arakhipe ano aero dromutnipe pana pobut harmonizuimo e evropaka regulativa. 

 

Kana sito svato kotar vakheripasko Talošerutnipe 21- Transevropaki mreža, savi uzo transporti učharela ini umalja energetika thaj telekomunikacie, raporti EK konstatuinela kaj Srbia sitoj ano kvašipe e gatisaripa. Srbia aktivno lela kotor ano Agenda phandipa rjačutnobalkajnengi šovengi, a reslilo ini podur anglipe ani realizacia reforme save siton phandipe thaj lungardilo harmonizuipe kanunipasko ani umal interoperabilipe. Vaš odova so Beogardi alosardilo vaš bešipe Sekretariatesko Transportno kupatni, kotar Srbia adžukharelape  te lungarol devipedumo vaš te sigurinenpe čhivadipe vaš bičhinipasko funkcionišipe.