RSS

You are here

I Mihajlovićka: Šukhar čhinavdipe vaš apartmajna ini vaš askeriake invalidjenge ini vaš famileje perde mardutnenge

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj e Bahameja kanunesko kotar pharuvipe thaj pherdipe Kanunesko kotar ulavde čhinavdipe vaš realizacia projektesko lačardipe bešipaske khera vaš dženutnenge zoralipe arakhipaske buflarelape truj odolengo savo vaš akala apartmajna šaj te konkurišinen ini pedo mardutne, džene familiake perde mardutnenge, marebaske askeriake invalidja thaj tehnipaske askeriake invalidja.

 

"Bučarnipe pedo lačardipe apartmajna vaš zoralipe arakhipaske ano štar dizja ake realizuinenape, gatisarelape leipe bukjengo ano pana duj dizja, a plani sito kaj anu angluni faza te lačara 8.022 apartmajna. Pharuvipe kanunesko  ana soske  klidutnisalam kaj musaj te buflarolpe truj personengo pedo savo sito akava kanuni. Adžahar, vaš odova kaj but džene  mangena te kinen apartmajna ani teritoria Beogradeski, pharuvipa kanunesko ka kera kaj prioriteti vaš te kinolpe apartmani ano Beogradi siolen odola save siton registruime ano Beogradi", phendja i Mihajlovićka, sikhavipe bahami kanunesko e senatorjenge ano parlamenti.

 

"Amaro plani sito kaj ani angluni faza lačara 8.022 apartmajna vaš dženutne zoralipe arakhipaske, a ake lelam te kera paše 1.530 apartmajna. Ani Vranja lačarenape 186 apartmajna, ano Niši 190, ani Kraljeva 200 apartmajna, ano Kragujevaci 216, ano Novi Sad lelape te lačarolpe 548, a ani Sremeski Mitrovica 190. Molipe projektesko e kompletno inftastruktura sito paše 325 milijojna evrja", phendja i Mihajlovićka.

 

Voj pana phendja kaj molipe akale kherengo, bi PDV, ka ovol 400 evrja ani Vranja thaj Kraljevo, ano Niši 450 evrja, ano Kragujevaci thaj Sremeski Mitrovica 430 evrja, ano Novi Sad thaj Beogradi 500 evrja. "Uzo odova so sito semno vaš agorisipe bešipasko pučipe dženutnengo zoralipe arakhipaske, akava projekti semno sito ini vaš barjaripe BDP-esko ini vaš bare, maškharutne thaj tikne firme save ka len kotor ano oleski realizacia", phendja voj, thaj pana phendja kaj ka dikhlarolpe buflaripe programi lačardipe kherengo ini pedo aver kategorije uzo zoralipe arakhipaske.

 

I Mihajlovićka pana phendja kaj realizacia akale projektesko rezultati politikano thaj ekonomikano stabilipe phuvajko thaj kaj sasutno molipe infrastrukturako projekti ani realizacia jase ano gatisaripe sito pobuder kotar 14 milijarde evrja.