RSS

You are here

I Mihajlovićka: Te zorakhara džuvljen te khuven ano sektori transportesko

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, evropaki komesarka vaš transporti Violeta Bulc thaj šefi delegaciako EU ani Srbia Sem Fabrici hramisarde avdive Deklaracia kotar jekha jekh šaipe vaš džuvljenge thaj muršenge ano sektori transportesko."Njamesko jekh jekhipe thaj pobaro khuvipe džuvljeno ano sa sfere amalipaske, ano odova ini sektori transportesko kotar savo avdive vakhara, pučipe sito kotar baro semnipe vaš Thagarutni Srbiaki. Amari buti sitoj te kera čhinavdipe thaj te zorakhara džuvljen te khuven ano transportesko sektori", phendja i Mihajlovićka.

 

Telopresidentka Thagarutna Srbiaki, savi preseduinela Koordinaciake trupea vaš njamesko jekh jekhipe, phendja, putaripe trujalutno astali  pedi tema "Džuvlja ano transporti", kaj Srbia but kerdja ano umal anglunisaripe njamesko jekh jekhipe, ama si pana buti anglo amende, thaj vaš  odova kerdja naisaripe Evropaka uniake pedo devipe dumo na numa kana siton ano pučipe infastrukturake projektja, več ini ano njamesko jekh jekhipe.

 

 "Sar so sijam numa jekh phuv avri EU savi siola Indeksi njamesko jekh jekhipe, adžahar manga ini ano transportesko sektori te sikhava kaj si basanduno thanipe so pobut džuvlja te khuven. Akaja tema amenge sitoj semni na numa vaš njamesko balansi, več ini ekonomikano barjaripe phuvjako. Adžukhara sig te la nevo kanuni kotar njamesko jekh jekhipe, ama ini pobuder te kera buti ano lokali, te kreirina čhinavdipe vaš džuvljenge te oven kotor akala umalake", phendja i Mihajlovićka.

 

Evropaki komesarka Violeta BUlc phendja kaj olake čhaljardipe so dive anglo putaripe Sekretarijati Transportesko khupatnako ano Beogradi šaj te diskutuina kotar importantno tema sar so sito pašloipe džuvlejngo ano trasportesko sektori.

 

"Akava sito importantno tema vaš prosperiteti amare amalipasko. Ano palune štar berš EU realizuindja but aktivipe e resoa anglunisaripe njamesko jekh jekhipe thaj avdive sijamen 40% džuvlja ano vastalutne pozicie. Na egzistirinela sebepi so nane pobuder džuvlja ano sektori transportesko, savo sito prosperitetno, sig barjaola thaj savo generišinela but neve bukjake thana. Musaj kupate te kera buti pedo jekha jekh čhinavdipe vaš solduj polja", phendja i Bulcova.

 

Sem Fabrici phendja kaj njamesko jekh jekhipe ano ilo publikaki politika EU-ako.

 

"Angluno drom ka ovelamen 13 džuvlja dženutne Evropake komisiake, sar ini presidentka EK. Ini kaj sektori transporti ini podur dominantno muršengo, diso pharuvinelape. But lačo misal sito telopresidentka Thagarutnaki thaj komesarka Bulc, save čačikane legarena transportesko sektori", phendja Fabrici.

Документи: