RSS

You are here

I Mihajlovićka thaj Berizo: Ka kera beogradesko aerodromi majšukhar ano regioni

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović, malavdisali avdive e neve generalno direktorea "Vinci Airports Serbia" Fransoa Berizea, save vakhardja kotar investiripe ano Aerodromi "Nikola Tesla", vaš odova so francuskaki kompania lela vastalutnipe e beogradeske aerodromea, pedo fundo hramisardo kontrakti kotar koncesia pedo 25 berš.

 

"Amen sijam partnerja ani akaja buti thaj ano solduj rigengo interesi te pherenpe resja definišime kontraktea, soske akava projekti sito kotar nacionalno interesi vaš Srbia thaj pačavava kaj ano berša save avena ka dikha rezultatja kotar koncesia Aerodromesko "Nikola Tesla". Ministribe savo legarava sito akate te dol tumenge sasavo suporti vaš so po efikasno te realizuina vakherdutne plajna, te kera o aerodromi so po sig te barjol, a Srbia ovela kombo aerosoko dromutnipe ano regioni", phendja i Mihajlovićka. 

 

O Fransoa Berizo phendja kaj kompania "Vinci" siola baro empiria thaj džandipe savo manglape  vaš anglunisaripe jekh aerodromesko thaj kaj siton akate vaš te resen podur barjaripe beogradesko aerodromi. 

"Strategiake resja amare siton jekha jekh, akate sijam te kera Aerodromi "Nikola Tesla" pana po operativno thaj tumaro suporti sito amenge but semno", phendja o Berizo.