RSS

You are here

I Mihajlovićka thaj Bocan-Haračenko: Vaš pana pobaro maškaripe Rusijako thaj Srbijako ani infrastruktura

I Telopresidentka Thagarutna Srbijaki thaj ministarka vaš lačardipe, dromutnipe thaj infrastruktura, prof. dr Zorana Mihalović, malavdisali avdive e neveanavnutne ambasadorea Rusijako Federaciako ano Beogradi Aleksandar Bocan-Haračenkoa, manglipa oleske šukar avilutni ani Srbia ano pačavipe kaj ano vakhti olesko mandate duj phuvja ka ovel olen pana po suksesno maškaripe.

 

I Telopresidentka Mihajlovićka naisardja pedi principielno politika savi Rusiaki Federacia thaj presidento Putin dena Srbijake.

 

“Nais so pačavinena teritorialno integriteti thaj suvereniteti amaro raštrako. Pačavava kaj ano Tumaro mandati amare duj phuvja ka ovel olen pana po suksesno maškaripe ani ekonomia thaj infrastruktura. Sar so džanena, kupate e rusiaka kompania RŽD realizuina jekh kotar majsemne infrastrukturno projektja – rekonstrukcia sigutni pruga kotar Beogradi dži Budimpešta thaj saren kupate šaj te ova barikane pedo odova maškaripe”, phendja voj.

 

Ambasadori Bocan-Harčenko phendja kaj Ministribe vaš lačardipe, dromutnipe thaj infrastruktura siole semni rola ano sasutno maškaripe Srbiako thaj Rusiako Federaciako.

 

„Sigutne pruge sito projekti kotar prioritetno semnipe ini vaš amenge siole bari perspektiva thaj semno sar vaš phuvja ano regioni, adžahar ini vaš centralno thaj mesmerjavinutni Evropa. Uzo odova, thanutnipe vaš maškaripe si but ini ano aver umalja kotar resori Ministribe savo legarena – kotar aero, pajnesko dži dromesko dromutnipe, ama ini lačardipe, energetika”, phendja vov.

 

I Mihajlovićka phana phendja kaj Thagarutni Srbiaki inicirinela nevo investiciako ciklusi, ano savo Ministribe ka ovel ole baro leipekotor, thaj odoja sitoj šansa te sikava džiavdisutni šukar maškaripe e Rusiaka Federacia, ama ini te la te kera neve projektja.

 

Pedo bešipe, maškar aver, vakhardilo kaj Mihajlovićka thaj Bocan-Haračenko ano periodi savo avela kupate dikhlarena bukja pi rekonstrukcia sigutni pruga Beograd-Budimpešta, savi kerela rusiaki kompania RŽD.

 

I Telopresidentka Thagarutnaki dendja e rusiake ambasoderske ano semnipe šukaravilutni azbuka ano galbeno sivipe, buti džuvljengo kotar gava, ano rami iniciativako Koordinaciako trupesko vaš njamesko jekh-jekhipe, NALED thaj Etno-mreža “Te čhiva pi buti 1.000 džuvlja” produktja tradicionalno srbikano vastalutnipe, kotor kulturaki tradicia amara phuvjaki.