RSS

You are here

I Mihajlovićka: Trin auto-dromja agorisina, trin neve la te lačhara

Telopresidentka Thagarutna Srbiaki thaj ministarka vaš lačharipe, dromutnipe thaj infrastruktura, prof. dr Zorana Mihajlović, phendja avdive kaj ano akava berš ka ovol agorisimo trin auto-dromja thaj ka lenpe te lačharolpe trin neve auto-dromja.

 

“Anglo nilaj thaj nilajeski turistikani sezona ka ovel amen agorisime trin auto-dromja, thaj odova ano mesmer thaj javinutno phak Koridori 10, sar ini 103 kilometarja auto-drom pedo Koridori 11 kotar Obrenovaci dži Preljina. Adžahar, dži po agor beršesko ka ovol agorisimi ini deonia kotar Surčini dži Obrenovaci, thaj ka ovel amen sa 120 kilometarja auto-drom kotar Surčini dži Čačak”, phendja Mihajlovićka dostuipa ano TV Prva.

 

Voj phendja kaj ano aprili, ko Lučane, lenape bukja pedi deonica auto-drom vaš Crna Gora kotar Preljina dži Požega- “Uzo odova, ano juni planirina leipe bukjengo ani angluni deonica auto-dromesko Beograd-Sarajevo, kotar Sremsko Rača dži Kuzmini, a ano 2019. lenape ini bukja pedo lačharipe Moravako koridori, jase auto-drom Pojate-Preljina”, phendja e Mihajlovićka.