RSS

You are here

I Mihajlovićka: Vaš lačaripe sigutne dromutne dži Golupci 350 milijojna evrja

"Bukja pedo lačaripe sigutne dromutne kotar auto-drom ko ulavdipe vaš Požarevac dži Veliko Gradište thaj Golupci ka lelpe 2020. berš, a notirimo molipe bukjengo sito 350 milijojna evrja", phendja avdive telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović.

 
"Sa dizutne Braničevako regioni poulavdipe interesime vaš lačaripe sigutne dromutne kotar auto-drom ko Požarevci dži Golupci. Odoja magistrala ka ovol jekh kotar majlače  ani Srbia, soske odova sito ini jekh kotar majlače kotora amara phuvjake", phendja i Mihajlovićka.


Voj avdive dži sine vizita ano Veliko Gradište vakhardja kotar odova projekti e počekatunea Braničevako regioni Aleksandar Djokićea thaj presidentea komunako Veliko Gradište Dragan Milićea.


I Mihajlovićka phendja kaj "Putevi Srbije" investitori akale projektesko thaj kerena akana buti pe tehnikako-projektno dokumentacia.


"Ano akava berš musaj te ovol dokumentacia, a kotar 2020. šaj te lenpe bukja. Akava auto-drom ka ovol but semno ekonomikane thaj turistikane, ama  maj angle sito semno vaš dizutne akale agoreske, soske ka resol familie te ačhon te dživdinen ano akava kotor Srbiako", phendja i Mihalovićka.