RSS

You are here

Khupate e sindikatjenca kera pedo pošukhar pašloipe 70.000 bučarne ano komunalno bukja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive Aneksi Ulavdo kolektivno kontrakti vaš publikake firme ano komunalno bukja e reprezentativno sindikatjenca ani akava sektori.

 

“Barikani sim pedo maškharipe e sindikatjenca ano komunalno bukja, sar so sito šukhar maškharipe ini ano aver sektorja kotar resori. Ano komunalno butipe kerena pobuder kotar 70.000 manuša thaj musaj te logarina logari kotar sakova olendar”, phendja i Mihajlovićka palo hramosaripe dokumentesko ani Thagarutni Srbiaki.

 

“Sikhavdjam kaj šaj khupate te ava ano šukhar agorisipe thaj te lačara šartja vaš bučarne. Pakjavava kaj ano periodi savo avela ka ova barikane ini pana pošukhar šartjenca soske vaš odova si šaipe”, phendja pana i Mihajlovićka.

 

Presidento Sindikati bučarnengo ani komunalno-lačardimasko sektori Srbiako, Milan Grujić, phendja kaj akava sito tikno ama semno pato vaš avutnipe kana sito lafi kotar standardi bučarnengo ano komunalno sektori thaj efikasipe komunalno firmengo. “Komunalno sistemi na sine anglodikhlardo vaš korekcia masekesko pokhipe thaj nais so akava ankesi hramisardjam”, phendja o Grujić.

 

Presidento Ranikako sindikati publikake dromutnikane  thaj komunalno butipe “Nezavisnost”, Milan Simić, phendja kaj bučarne ka len kotar pandž dži ofto šelestar baripe masekesko pokhipe naisaripe anekseske thaj nasiardja telopresidentkake thaj Timeske Ministribasko pedo šukhar maškharipe.

 

Ažutno ministresko vaš lačardipe, dromutnipe thaj infrastruktura, Jovanka Atanacković, lepardja kaj 2015. palo 20 berš hramisardilo kolektivno kontrakti vaš komunalno butipe, savo 2018. lungardilo vaš pana trin berš.  

 

“Sikhavdjam kaj sijam ano orta drom thaj ka lungara te kera khupate ano lačardipe matrialno pašloipe bučarnengo ano komunalno sektori”, phendja i Atanackovićka, thaj pana phendja kaj aneksea regulišisalo baripe regresesko  ano molipe kotar trujal 2.800 dinarja ano masek.