RSS

You are here

Lelepe bukja ano lačardipe auto-dromesko thaj sigutni dromutnikani Ruma-Šabac-Loznica

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela kotor avdive, khupate e presidentoa Srbiako Aleksandar Vučić, ano starti bukjengo ano lačardipe auto-dromesko thaj sigutni dromutnikani Ruma-Šabac-Loznica.

 

Presidento Aleksandar Vučić phendja kaj ka ovol lačardi moderno dromutnikani thaj kaj kotar Beogradi dži Drina ka avolpe paše jekh te kvaš sati, so sito semno vaš pobut investicie ano akava kotor Srbiako. “Amari phuv e “Moravake koridorea thaj e sremesko-mačvansko koridorea ka dikhlarolpe aver čhane thaj ka ovo pošukhar phande averenca. Thaj na gndina odote te ačhova, uč te lungara te lačara”, phendja o Vučić ano Šabac.

 

Mihajlovićka phendja kaj avdive baro dive vaš Srbia soske lelape lačardipe auto-dromesko thaj sigutni dromutnikani Ruma-Šabac-Loznica, a kaj ano detharin hramisalilo ini kontrakti vaš lačardipe “Moravako koridori”.

 

“Srbia nanola vakhti te našalol ni jekh dive kana sito ano pučipe infrastruktura. Agorisindjam Koridori 10,  kotor “Miloš Veliki”, a sig mukha ano dromutnikanipe ini etapa Surčin-Obrenovac. Sakova nevo auto-drom jase sigutni dromutnikani save la te kera, ka lačarolpe ano proseko trin dži pondž berš thaj odova sito so ulavela akaja Thagarutni thaj presidente Srbiako kotar disave poanglutne, kana sine adžukharelape beršenca jekh dromoro te nakhol uzo khera amare dizutnengo”, phendja i Mihajlovićka, thaj pana phendja kaj adžukharela kotar kerdutne o projekti te agorisinolpe ano roki.

 

Ambasadori Azerbejdžanesko ani Republika Srbia, Eldar Hasanov, phendja kaj projekti Ruma-Šabac-Loznica misali strategiako thaj saastardutno maškharipe duje phuvjengo thaj kaj sito sigurno kaj ka agorisinolpe ano roki thaj kvaliteti, ano rami e majuče standardjenca.

 

Javerutno president kompaniako“Azvirt”,Gahraman Ahmedov, phendja kaj barjaripe infrastrukturako siole semni rola ano ekonomikano barjaripe thaj stabilipe ani sakoja phuv thaj mangla akava projekti te anol prosperiteti thaj pobut investicie manušenge ani Ruma, Šabac thaj Loznica thaj aver thanenge save akaja nevi dromutnikani ka phanol.

 

Molipe projektesko sito 467,5milijojna evrja, sa lungipe auto-dromesko thaj sigutno dromutnikanesko Ruma-Šabac-Loznica sito 77 km, a anglutno kerdutno bukjako sitoj azerbejdžaneski kompania “Azvirt”. 

 

Projekti anglodikhlarela lačardipe auto-drom Ruma-Šabac lungipe 21,14 km, purt prekal len Sava ano Šabac lungipe1,3 km e pedotradipaske rampenca thaj lačardipe sigutni dromutnikani kotar Šabac dži Loznica, lungipa 54,58 km.