RSS

You are here

Mihajlovićka: Adivesta ani Srbia pobuder kotar 3.500 maškhardizjake linije, lelam te inarahape ano dživdipe  

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, sine avdive ano dromutnikani firma “Lasta” sebepi so palem čhivdilo maškhardizjako autobusesko thaj sastrnalutnesko dromutnipe.

 

Voj, kupate e generalno direktorea firmako “Lasta” Vladan Sekulićea, dikhlardja autobuseski flota, savi sitoj gatisarimi te tradol dromutnen ano maškhardizjako dromutnipen.

 

“Adivestar palem putardile pobuder kotar 3.500 maškhardizjake linije, paše 3.500 autobusja thaj 73 pampurja lele te dromutnikaren ani teritoria sa Srbiaki. Adamo po adamo, inarahape ano dživdipe, ano normalno maškharipe, uzo sa napja arakhipaske, soske sastipe sarenengo ano angluno than. Uluvipaske šeja siton obligacia, sar ini fizikano distancirinipe ano tradutno”, phendja i Mihajlovićka

 

Telopresidentka Thagarutnaki phendja kaj ano vakhti epidemiako dromesko dromutnikanipe sikhavdja kaj sito barikano thaj moldikano kotor  vaš funkcionišipe raštrako.

 

“Thaj vaš odoleske sim avdive ani “Lasta”, te naisarav šoferenge thaj sa bučarnenge akala kompaniake so sa vakhti akala krizako tradinde medicinako personali, manušen ani dijaliza, sar ini amaren dizutnen save ale kotar aver phuvja. Moldikano sito kaj polokhe inarahape ano normalno dživdipe, regule si sar te garava ini amen ini aver. Bi maskako thaj vastalutnengo nane khuvipe ano autobusja thaj pampurja, manuša siton odote te ažutinen dizutnen”, phendja voj.

 

Mihajlovićka pana phendja kaj Srbia gatisarimi ini avdive te čhivolpe avio-dromutnipe, kaj amare aerodromja gatisarime, sar ini “Er Srbija”, ama odova sito phando pedo halovipe e aver evropake phuvjenca, soske nikote ani Evropa pana nane rndome avio-linije.

 

Direktori firmako”Lasta” Vladan Sekulić phendja kaj akaja organizacia gatisarimi pere 650 autobusja vaš dromesko dromutnikanipe.

 

“Ano nakhle duj maseka labdardjam te adikhara niveli dromutnipasko, tradipa bučarnen. Labdardjam te uluvina sastipe šoferjengo thaj aver bučarnengo. Gatisaripa adžukhara dromesko dromutnikanipe, thaj kana  kinelape karta ka ulava ini maske manušenge thaj ka trada olen dži manglutne destinacie”, phendja vov.