RSS

You are here

Mihajlovićka: Adžukharava pana pozoralo koordinaciako trupo vaš njamesko jekh jekhipe

“Adžukharava kaj nevo kanuni kotar njamesko jekh jekhipe sig ovela ando, a Koordinaciako trupo, pendžardutno ani lumia, ovela pana pozoralo”, phendja avdive ano Nova Varoš telopresidentka Thagarutna Srbiako thaj presidentka Koordinaciako trupesko vaš njamesko jekh jekhipe, prof. dr Zorana Mihajlović.

 

Voj pedo pučipe žurnalistjengo kana ka anolpe nevo kanuni phendja kaj kanuni kotar njamesko jekh jekhipe but vakhti gatisarelpe thaj akana sito ani kompetencia Ministribasko vaš buti, thaj adžukharela kaj odova sig ka ovol thaj, te sine kaj voj pučelape, but poangle  sine anelape.

 

“Ka leparav, pratsav kotar formiripe Koordinaciako trupo vaš njamesko jekh jekhipe hramisarda odolevakhtesko premieri Aleksandar Vučić. Kotar odova intezivno kera buti e maškharthemutne organizacienca thaj čhiva but standardja EU ini kaj na sijam pana kotor Uniako. Vaš odova adžukharava kaj nevo kanunea Koordinaciako trupo te ovol pana pozoralo”, phendja voj.

 

Mihajlovićka avdive lela kotor ano putaripe Kancelariako vaš njamesko jekh jekhipe komuna Nova Varoš thaj naisardja butipe komunako ani akaja umal.

 

“Nova Varoš sito kotar hari komune save nakhle poangle ano njamesko jekh jekhipe. Siolen konsili thaj timi vaš njamesko, ulavde budžeti vaš akaja umal, čhivde njamesko godaripasko budžetiripe thaj hramisarde Evropaki deklaracia vaš njamesko jekh jekhipe. A kotar efta direktorja ano publikake firme, pondž siton džuvlja”, phendja voj.