RSS

You are here

Mihajlovićka anglo adikharipe Samiti kotar Rjačutno Balkani: SRBIA ačhola orjentišimi ko evropako drom thaj molipe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj Srbia ačhola orjentišimi  ko evropake standardja thaj po drom ki Evropaki unia.

 

Pučljimi te komentarišinol taharasko Samiti kotar Rjačutno Balkani, savo adikharelape on-line ano Zagrebi, Mihajlovićka phendja kaj avdive sa phuvja arakhenape ano seriozno kriza, sar sastipaski, adžahar ini ekonomikani thaj socialni, a kaj investicie thaj projektja čhandipe te sigarolpe ekonomikano barjaripe.

 

“Srbia kerela sarenenca save siton majšukhar ani lumia. Ini sigutni pruga Beograd-Budimpešta lačarelape pedo majuče evropake standardja. Adžukharava te lungara e realizacia projektjengi save kera e EU, sar so sito lačardipe intermodalno terminali thaj auto-drom Niš-Merdare-Priština, ama ini te la kupate disave neve projektja thaj te vakhara kotar neve grantja”, phendja voj.