RSS

You are here

Mihajlovićka: Angluno komercialno urjavipe ki “Er Srbija” palo avrirndomi situacia

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive, e generalno direktorea beogradesko aerodromi thaj “Er Srbija”, Fransoa Berizea thaj Nejsmit Dankanea, Aerodromi “Nikola Tesla”, sebepi angluno komercialno urjavipe ani “Er Srbija” palo čhinipe avrirndomi situacia.

 

Mihajlovićka kotar odova phendja kaj odova sito semno dive vaš sa amenge, soske palo duj maseka džala angluno komercialno urjavipe savo kotar Cirih ka inarelpe pherdo, sar ini kaj “Er Srbija” angluni ano regioni lela e komercialno urjavipa.

 

“Uzo Cirih, ka realizuinenpe urjavipe ini vaš Frankfurt, London, Beč ama ini Pariz, Amsterdam, Ljubljana, Njujork thaj aver dizja. Moldikano si polokhe te inarahape ano normalno dživdipe. Amen kera khupate sar jekh timi thaj kera sa kaj akavo tipi transportesko ovela so po reslo thaj te ovelamen so pobut rndome linie. Arakhipe sajekh ano angluno than”, phendja voj.

 

Mihajlovićka pana phendja kaj taharasta na ka ovol obligaciako PSR testi ni korkoriizolacia kana khuvelape ani Srbia, a kaj amare dizutne save tradinena ano aver phuvja musaj te adikharenpe ano rami e obligacienca odole raštrengo.

 

Telopresidentka Thagarutnaki phendja kaj akaja ranik dromutnipaski cidindja bare našalipe sakote ani lumia thaj kaj dži akana škodra prekal 70 milijojna evrja, thaj adikharela kaj berš ka agorisina e pohari kotar 200 milijojna evrja škodripe ano avio-dromutnipe.

 

Fransoa Berizo, generalno direktori Aerodromesko “Nikola Tesla”, phendja kaj pedo akava dive adžukhardilo lungo vakhti, duj maseka.

 

 “Nais amare partnereske “Er Srbija”, kerde but šukhar buti thaj organizuinde pobuder urjavipa ze so po angle disave kurkja šaj te dikha numa ano suno. Nais ini Thagarutna Srbiake pedo devipedumo”, phendja vov.

 

Nejsmit Dankan, direktori “Er Srbija”, phendja kaj akaja kompania avdive realizuindja pondž urjavipe, trin vaš Cirih thaj duj vaš Frankfurt,  thaj phendja kaj ka oven neve urjavipe.

 

“Lošarde sijam vaš angluno komercialno urjavipe. Uzo Cirih, Londoni, Beč thaj Frankfurt, po agor masekesko ka urjava ini vaš Amsterdam thaj Pariz, palem ini Ljubljana, Tivat thaj aver dizja ano regioni. A kotar 6.juni ini vaš Njujork. Nais sarenenge pedo ažutipe thaj devipedumo”, phendja o Dankan.