RSS

You are here

Mihajlovićka ani Bajina Bašta: Škodripe kotar bare pajna trin milijarde dinara, ka laćara sa   

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive e počekatunea Zlariboresko regioni Boban Perišićea, presidentoa komunako Bajina Bašta Radomir Filipovićea thaj direktorea firmako “Putevi Srbije” Zoran Drobnjakea puzakharipe ano than Ovčinja ki Bajina Bašta. Puzakharipe sito ano raštrako drom savo akaja komuna phanela e Valjeva.

 

 

Mihajlovićka kotar akava phendja sa dizutnenge kotar Bajina Bašta thaj Zlatiboresko regioni kaj vaš sa so amen sar raštra thaj amalipe astarela, sar savo problemi, agorisina ole kupate thaj raštra ka dol sa kotar peste kaj sakova puzakharipe, purt, drom ka lačarol.

 

“Khonik na ka ačhol čhindo kotar lumia. Ano akava momenti pana trujal 120 km droma ani teritoria Srbiaki pana siton binakhutne sebepi bare pajna. Projekcie phenena kaj škodra sitoj kotar trujal trin milijarde dinarja. Sa so podur akana lačara ka ačhol majhari 50 berš, pharuvindjam ini kanunja  sar te odova so akana lačara te ovol uluvimo kotar bare pajna”, phendja i Mihajlovićka.

 

Voj pana phendja kaj ano avutno berš ka kerolpe tuneli prekal Kadinjaca, sar ini purt Skelani thaj kaj vaš odova reslile garancie ano raštrako budžeti. 

 

“Ka lungara ini buti ano lačardipe auto-dromesko ki BthajH, kotar Požega dži Kotormani. Ka kera sa kaj akava agor te ovelole sa so oleske majmangelape, a odova sitoj infrastruktura, kaj manuša šaj te keren buti thaj te ačhon te dživdinen akate e pere familienca”, phendja voj.

 

Boban Perišić phendja kaj ani teritoria Zlatiboresko regioni vaš bare pajna save ule po agor junesko todinisali avrirndomi situacia ano trin komuna-Arilje, Kosjerić thaj Bajina Bašta, thaj kaj dikhalripa terenesko zorakhardili kaj situacia ani Bajina Bašta majphari. 

 

“Sinam ani Thagarutni Srbiaki. Adžukharava ažutipe ani nafta, sar te agorisina problemja. Majkritikano sito ano gav Kostojevići, kote 900 metarja drom našavdilo, a prekal 20 familie čhinde kotar lumia. Negativno influence majangle ani agronomia, soske amaro them dživdinela kotar maline. Ka agorisina odova sig thaj nais telopresidentkake thaj direktoreske “Putevi Srbije” ano ažutipe thaj sigutni reakcia”, phendja vov.

 

Presidento komunako Radomir Filipović naisardja ministarkake Mihajlović, savi sig reagundja pedo akahripe.

 

“Korkore, bi ažutipe Thagarutnako, našti te ikljova kotar akava bibahtalipe. Odote amenge  majangle  semno Ministribe dromutnipasko, sar ini “Putevi Srbije”. Mangelape amenge but mehanizacia, te sa ana ando rndo thaj te agorisina sezona malinengi.

 

Zoran Drobnjak phendja kaj akaja etapa ka ovol agorisimi vaš trin te kvaš maseka.

 

“Adjukharelamen seriozno buti. Majangle ka kerolpe nevo dumutno stena sar te palem nevisarolpe ini dromutnikani . Mangelape amenge masek te kvaš dive vaš projekti thaj pana duj vaš realizacia.