RSS

You are here

Mihajlovićka ani biphendutni kontrola: Pana 11 kilometari nevisardo auto-drom ano Koridori 10 ko Šid

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović sine avdive ano biphendutno dikhlaripe bukjengo ano Koridori 10, rekonstrukcia auto-dromeski ani samatrenda e Kroacia kotar Kuzmini dži Batrovci.

 

Telopresidentka Mihajlović ani trasa pačavisali kaj agorisisalo pana 11 kilometarja nevisardo auto-drom, kotar kombodrom Kuzmin dži pokhipaski rampa ano Šid, thaj kaj ano dromutnipe ka mukhelpe dži 10 oktobri.

 

"Akaja sitoj amenge semni etapa, na numa vaš amari majsemni dromtnikani Koridori 10, uč ini vaš auto-drom Beograd-Sarajevo, savesko lačardipe lelilo ani etapa kotar Kuzmin dži Sremeski Rača. Vaš odova semno e rekonstrukcia akale kotoreski so po sig te agorisinolpe", phendja voj, thaj pana phendja kaj ini so agorisali turistikani sezona ka lungarol te kontrolišinol ano lačardimaske thana ani bufljardi Srbia, soske Srbia investirinela baro lovo ani infrastruktura thaj sa kerdutne bukjengo musaj te pheren sa obligacie so lele.

 

Mihajlovićka pana phendja kaj akava kotor auto-dromesko manglape te ovol  misal sar manglape te dikhon ini aver bukjake thanutne thaj droma.

 

"Auto-drom akana sito sar pista thaj šukhar si te dikhenpe mašine pedo save siton srbikane flagja, kaj bučarne kerena pi buti thaj, sar phende mange, rndomo lena poro masekesko pokhipe. Akaja etapa Koridoreski 10 manglape te rekonstruišinolpe ini pobut dekade poangle, ama amen akana kera rehabilitacia vaš te dikhlarolpe sar dikhlona majmoderno auto-dromja", phendja telopresidentka Thagarutnaki.

 

Mihajlovićka ano bukjako thanutnipe malavdisali ini e šefea Saša Milunović kotar kompania "Integral".

 

"Sar so dikhena, bukja siton po agor. Ka kera sa kaj amare manušenca thaj mehanizacia te labarina sakova dive sar te agorisina dži kana vakhardilo. Odova so šaj sigurno te phenav sito kaj ka kera buti bi dikhipe pedo vakhteske čhinadipe, soske sijamen vastušeja thaj matrijali savo odova amenge dela te kera buti. Akava sito baro zumavipe vaš amari kompania", phendja o Milunović.

 

Projekti rehabilitacia auto-dromeski pi etapa Batrovci-Kuzmin siole molipe 16,5 milijojna evrja thaj astarela rehabilitacia 21,6 km drom.