RSS

You are here

Mihajlovićka ani Kikinda: Ano berš savo avela 4,3 milijarde dinarja vaš infrastrukturno projektja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vizituindja avdive Kikinda thaj e počekatunea Severnobanatesko regioni Nikola Lukačea thaj presidentjenca lokalno korkorodirekcie vakhardja kotar investiripe ano infrastrukturake projektja semne vaš akava regioni.

 

Mihajlovićka vaš odova phendja kaj ano 2020. berš investiripe ano Severnobanatesko regioni ka ovol 4,3 milijarde dinarja, a kaj ano nakhle trin berš ano adikharipe dromeski infrastruktura inevstirisalo numa 1,3 milijarde dinarja.

 

“Budžeti Thagarutna Srbiako avdive stabilno thaj amen šaj e dizjakočekatunenca thaj presidentjenca komunake vakhardilam kotar o prioritetja thaj kaj ka finansirina projektja ano sektori dromesko, sastrnalutno, komunalno, ama ini pajnesko thaj aero infrastruktura. Soske odova sito šarti o manuša te ačhon te dživdinen ano pere thana thaj te pašara neve investicie, phendja voj.

 

Mihajlovićka phendja kaj ka kerolpe sigutni dromutnikani Sombor-Kikinda, sar ini lungaripe sigutni pruga kotar Novi Sad dži Subotica, so sito semno kapitalno projekti, bi savo nane ni lokalno barjaripe.

 

“Adžahar, ano paraštuj ka mukha ano dromutnipe ini Ipsilon khak, sasutno lungipe 24 km, projekti pedo savo but adžukhardilo”, dendja voj klidutnipe.

 

Počekatuno Severnobanatesko regioni Nikola Lukač phendja kaj ano avdisutno bešipe sakoja lokalno korkorodirekcia sinola šansa te ikalol pere problemja thaj prioritetja, maj angle ano dromeski thaj komunalno infrastruktura.

 

“Vakjardili realizacia baro gendo projektjengo, disave kotar klidutne siton dromutnikani Kikinda-Mokrin-Crna Bara-Čoka, Kikinda-Rusko Selo, trujalutni trujal Senta thaj Kanjiža, sar ini rekonstrukcia purtjaki pedi Tisa thaj rekonstrukcia prugaki Senta-Subotica”, phendja o Lukač.

 

Dizakopočekautno Kikindako Pavle Markov phendja kaj ano bešipe vakhardilo kotar realizacia projektesko  konekcia akala dizako pedo auto-drom, jase lačardipe dromutnikani kotar Kikinda dži Zrenjanin.

 

“Diz Kikinda ano nakhle disave berša dikhlardja projektja thaj strategie barjaripe dizjako. Sijamen gatisarime projektja thaj avdisutne bešipa pana pobut inicirindjam dinamika podur barjaripe Kikindako. Uzo dromeski infrastruktura, ka agorisina ini problem pijibasko pani ano gava”, phendja o Pavlov.

 

 Mihajlovićka poangle bešipasta e dženutnenca Severnobanatesko regioni dikhlardja nevolačardi trujalutno ulavipedromenge thaj vaš odova phendja kaj voj sitoj semni sar vaš arakhipe ano dromutnipe, adžahar ini vaš avutni industriaki zona ani Kikinda, bi savo našti te vakharolpe kotar podur barjaripe dizjako.