RSS

You are here

Mihajlovićka ani Ljubovija: Ina milijarde dinarja investirindjam ano droma ano Mačvako regioni

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović dikhlardja avdive kupate e direktorea  Firmako“Putevi Srbije“ Zoran Drobnjakea purt prekal len Ljubovidje ki Ljubovija savo aravdilo bare pajnesta ano juni ano akava berš.

 

Mihajlovićka kotar akava phendja kaj investiripe ano droma ano akava kotor Srbiako nane tikno thaj prekal aver aver projektja ano disave nakhle berša investirimo 9 milijarde dinarja ano droma ano Mačvako regioni.

 

Voj pana phendja kaj poangle avdive dikhlardja purt prekal len Trešnjice ano raštrako drom Ljubovija-Bajina Bašta, savo ano nakhlo berš sine phando vaš pharipasko transporti.

 

„Kotar anglo disave dive akaja purt sitoj ano labaripe vaš phare kamiojna prekal 3 tojna. Ano pučipe sitoj moldikani investicia kotar trianda milijojna dinarja. Akana phare kamiojna,trujal trišel ano dive, nane musaj te nakhen prekal Valjevo thaj Debelo Brdo, dromea lungipa 120 km, soske drom direktno prekal akaja purt kotar Ljubovija dži Bajina Bašta lungo 54 km. Odova semninela kaj ini hardžipe thaj našaldo vakhti ka ovol pohari a arakhipe pošukhar. Ka lungara te dikhlara realizacia sa projektjengo kupate e presidentoa komunako, kaj akava so avdive dendjam lafi ini realizuina“, phendja i Mihajlovićka. 

 

Zoran Drobnjak phendja kaj momentalno kerelape projekti vaš purt prekal len Ljubovidje thaj kaj voj ka ovol gata vaš trujal mesek te kvaš.

 

„Vaš efta dive ka kera devijacia sar dromutnipe šaj te funkcionišinol. Ka dikhlara  kaj nevi purt ano lungipe trujal 35 metarja thaj ano molipe kotar trujal 60 milijojna dinarja ovela gata dži po agor beršesko“, phendja o Drobnjak.

 

Počekatuno Mačvako regionesko, Vladan Krasavac, phendja kotar but šukhar maškharipe e Thagarutna Srbiaki thaj resorno ministriba, savo realizuisalo lačardipe purkjako pedi Sava ano rami projektesko lačardipe auto-drom thaj sigutni dromutnikani Ruma-Šabac-Loznica.

 

„Aravipa akala purtjako čhindili dromeski komunikacia ano regionalno drom Mali Zvornik-Ljubovija-Bajina Bašta. Vaš amenge but semni etapa soske odoja sitoj numa konkecia amaro Podrinje e Rjačutno Srbia ama ini BthajH thaj Crna Gora.Lundjara šukhar maškharipe e Republika, Ministriba thaj sa raštrake institucienca zorale bešena palo sa regiojna thaj lokalno korokodirekcie“, phendja vov.

 

Presidento komunako Ljubovija, Milovan Kovačević phendja kaj natura sitoj adžahar kaj khonik našti te ačhavol ola thaj naisardja e telopresidentkake pi vizita sar kupatne te dikhlaren problemja akala komunake.

 

„Ano Negotini 1955.pelo 211 litre brišind pedo metro kvadratesko, so hramisardilo sar maksimumi ani amari phuv, a 22. junea ani Ljubovija pelo 210 litarja brišind. Kobor si bare našavipe palem sim naisardo pedo ažutipe  kaj ano odola disave dive te kurtajna so šaj“, phendja vov.