RSS

You are here

Mihajlovićka: Ani Srbia khanči veke nane dur

“Ideja akala bisakodivutni ekspozita thaj sa so kera vaš amare dizutne ačhola ani jekh laforutni-khanči veke nane dur! Soske, sa so kerdjam ini pedo savo kera-neve auto-dromja, neve pruge thaj aerodromja-siton vaš te phanen dizutnen thaj veke tana ovol khanči olenge dur”, phendja vaš detharinesko divutno RTS-esko Telopresidentka Thagarutna Srbiaki thaj ministraka vaš lačardipe, dromutnipe thaj infrastruktura, prof. dr Zorana Mihajlović.

 

Voj, phenipa kotar multimedialno ekspozita Ministribasko, savo avdive putarelape taločatalipe presidento Republikako Aleksandar Vučić, ini phendja kaj dizutne dži paraštuj kotar 12 dži 17 sati šaj te dikhen sa so lačardilo ani Srbia ano nakhle disave berša.

 

“Saren save aven ani ekspozita ani Palata Srbia šaj te nakhen prekal majlungo tuneli Manajle, te čhalaven purt Vrla ko Vladičin Han, te dikhen nevo pampuri “štadler” thaj te hačaren sar sito te tradelpe olea 100 km po sati, te phiren ano “Beogardi pedo pani”, te khuven ano angluno apartmani vaš askeriake thaj policiake, thaj pana but diso”, phendja voj.