RSS

You are here

Mihajlovićka: Ani Srbia si 59 milja lačardimaskethana, dživdipe našti te ačhol  

“Sa lačardipaskethana ani Srbia kerena buti thaj nijekh nane phandilo ano vakhti epidemiako korona virus. Momentalno ando olende angažuime 5.700 manuša, lačarelape 290  km neve auto-dromja, so e rehabilitacia thaj rekonstrukcia paše 600 km sa droma. Dži akana nane inficirime maškhar bučarne, amen musaj te sikhlova te dživdina e korona, soske dživdipe našti te ačhol”, phendja taharako Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj dostuipa ano detharinesko programi TV Hepi phendja kaj lačardimaske bučarne sikhavde kaj džanena te organizuinenpe thaj te uluvinen lačardimaskethana.

 

“Amen avdive ani Srbia sijamen 59 milja lačardimaskethana, so sito vaš 16 milje pobuder kotar jekha jekh periodi ano nakhlo berš. Ani Srbia lačarealape, lačardutne dživdinena ano kampja, sikhlile te dživdinen e korona, te arakhenpe thaj te lungaren te keren pi buti. Sastipe sito ano angluno than, ama musaj te logarina logari ini kotar ekonomia”, phendja i Mihajlovićka.

 

Mihajlovićka phendja kaj moldipe momentalno investiciengo 417 milijarde dinarja sar ini kaj intenzirime bukja ano lačardipe Moravako koridori, auto-drom Sremeski Rača-Kuzmin thaj etapa kotar Preljina dži Požega.

 

Telopresidentka Thagarutnaki lepardja kaj lafi sito kotar štarti majbari kriza ano palune 150 berš.

 

“Lumia sitoj ano seriozno recesia, sa projekcie kotar marti avdive siton pana pobilačhe prekal ekonomia. Odova ka čhordjol ini ano phuvja ano barjaripe thaj moldikano sito te kera sa so šaj vaš ekonomia ta na cidol. Projekcie siton kaj ani lumia peripe amalikano produkti ka ovol -9 šelestar, ani EU -10 šelestar. Dikhlaripe MMF-esko sito kaj Srbia ka ovelola majteluno peripe soske sitoj tikni ekonomia thaj šaj te ovol po elastikani, so na semninela kaj manglape te ova relaksirime. Vaš odova sito moldikano so lačardipe kerela buti thaj nisavo momenti na ačhilo”, klidutnindja voj.