RSS

You are here

Mihajlovićka: Ano 2021. vaš kvašo sati pampurea kotar Beogradi dži Novi Sad

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj bukja ano duj etape sigutni pruga kotar Beogradi dži Novi Sad ka ovol agorisimi dži anglojevend 2021. berš thaj kaj maškhar akala duj dizja pampurea ka tradolpe 30 minutja.

 

Mihajlovićka,dikhlaripe bukja ano lačardipe sigutni pruga Beograd-Budimpešta, ani etapa Beograd centar- Stara Pazova, phendja kaj lačardipe sigutni pruga majbaro thaj majmolipasko infrastrukturako projekti ano masemerjavinutni Evropa, savesko sa molipe ani teritoria Srbiaki thaj Ungariaki trujal štar milijarde evrja, kotar odova trujal duj milijarde evrja ani teritoria Srbiaki.

 

"Akaja pruga semni sitoj na numa vaš odova so kotar Beogradi dži Novi Sad pampurea ka avolpe kvaše sateske, uč vaš odova so akale projekteja Srbia khuvela ani globalno kinaki iniciativa "Jekh kustik, jekh drom", sar jekh kotar anglune phuvja savi e ThR Kina hramisardja memorandumi phando akale projekteja", phendja i Mihajlovićka.

 

Voj akcentirindja kaj ano angluno kotor etapako Beogard centar-Stara Pazova, kotar stanica Beogard centar dži Zemun, kerdilo trujal 40 šelestar bukja, a kaj kotar decembri ka kerolpe ano sa kotora buti ano jekh vakhti.

 

"Nais kinaka thaj srbikana sastrnalutnenge so bukja kerenape 24 satja vaš te pačavinenpe rokja, a poulavdo si semno so sa bukja ka kerenpe pedo evropikane standardja, so dikhlarela notifikaciako trupo", phendja i Mihajlovićka, thaj pana phendja kaj dži po agor 2021. ka ovol agorisimi ini nevi autobuseski stanica ano Novi Beogradi.

 

Voj pana phendja kaj bukja ani etapa kotar Stara Pazova dži Novi Sad nakhena ano kontrakteske rokja, a kaj vaš etapa kotar Novi Sad dži Subotica hramisardile komercialno thaj finansijsko kontrakti thaj šaj bukja te adžukharenpe ano februari jase marti 2020. berš. "Sa sigutni pruga ani teritoria Srbiaki manglape te ovol agorisimi 2022. jase 2023. berš, a pašipa ano jekhe jekh vakhti manglape te oven agorisime ini bukja ani teritoria Ungariaki", phendja voj.

 

  1. Generalno direktoresko "Infrastrukture železnice Srbije" Miroljub Jeftić phendja kaj bukja kerenape ano pobut lokacie ani akaja etapa, kaj kerdili sertifikacia sa matrijaljengo save ka labarinenpe ano lačardipe prugako thaj ulavdi pačiv delape pedo arakhipe dromutnipasko, kotar labarinenape majmoderno tehnikake sistemja.

Generalno direktori kompaniako "China Railway International Co" Sjaojong Hu, phendja kaj naisaripe  telopresidentkako Thagarutnako, Ministribasko thaj ambasadorkako ThR Kinaki Čen Bo, kerdutno bukjako labdarda te resol semne anglipe ano sa segmentja projekteske."Arakhipe vastušeja thaj matrijalja kerelape adžahar kaj ka oven čaljarde sa rodipe kana dikholape kvaliteti thaj interoperabilipe", phendja vov.

 

Pruga Beograd centar- Stara Pazova lungi sitoj 34,5 km thaj kotor sito projektesko lačardipe prugako vaš baro sigipe dži 200 km ano sati, maškhar Beogradi dži Budimpešta.

 

Kerdutno bukjengo sito kinako konzorciumi "China Railway International Co" (CRI) thaj "China Communications Construction Company", (CCCC), a molipe kontraktesko vaš akaja etapa prugaki sitoj 350,1 milijoni dolarja.