RSS

You are here

Mihajlovićka ano Aleksinac: Infrastruktura sito fundo dživdipasko, investirindjam 4,6 milijojna evrja ani fabrika vaš pijibasko pani

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive rekonstruišimi fabrika vaš šužaripe pajnesko vaš pijibe ano Aleksinac, ano savi prekal programi kupatno maškharipa e germaniaka KfW banka investirisalo 3,2 milijojna evrja.

 

Mihajlovićka kotar akava phendja kaj kupate e germaniaka thagarutna thaj komuna Aleksinac investirisalo 4,6 milijojna evrja ani rekonstrukcia fabrikako thaj pharuvipe pajneskophiribasko sistemi ano Aleksinac.

 

“Komunalno infrastruktura jekha jekh moldikano sar ini dromutni thaj sastrnalutni. Bi šužo pani nane podur barjaripe ni pošukhar šartja vaš dživdipe thaj ačhavipe manušengo ani Srbia thaj vaš odova sa akava kera. Nais KfW-eske, kera buti kupate šov berša, gata siton fabrike pajneske ini ani Smedereva, Vršac, Piroti, Sombori. Ano Aleksinaci investirina ini ano dromeski thaj sastrnalutni infrastruktura, a prekal nevo investiciako plani 200 km lokalno droma ka ovol rehabilituimo”, phendja voj.

 

Telopresidentka Thagarutnaki pana phendja kaj ano investiciako plani “Srbia 2020-2025” ka ovol investirimo paše jekh milijarda evrja ani komunalno infrastruktura.

 

“Ka investirina sar ano fabrike vaš pani, adžahar ini ani kanalizacia. Infrastruktura sitoj fundo dživdipasko thaj nane kotor ani Srbia kote na ka lungara te lačara sar droma thaj pruge, adžahar ini komunalno infrastruktura, majangle kanalizaciako sistemi”, phendja i Mihajlovićka.  

 

Direktori Kancelariako Germaniako barjaripaski banka KfW ani Srbia Arne Gos phendja kaj lošalo sito so šaj te dikhol neve mašine vaš šužaripe pajnesko, savo sito rezultati bare kupatne bukjako ano projekti.

 

“Akala moderne mašine pe sa lumiake standardja vaš uluvipe dživdipasko maškharipe ka labarinol baro gendo dizutnengo ano Aleksinac. Uzo akava saastardutno programi ano pobut dizja ani Srbia, ano avutne berša ka kera ini ano aver projektja kotar sektori dživdipasko maškharipe, majangle vastalutnipe zorala gunoja ani sa Srbia”, phendja vov.

 

Presidento komunako Aleksinac Nenad Stanković phendja kaj nane po moldikano investicia kotar odoja ano sasto pijibasko pani.

 

“Akale mašinenca amen uluvina odova so sijamen-pijibasko pani vaš 21. šelberšutnipe. Ano maškharipe e Ministriba thaj KfW-ea lačardjam kvaliteti pajnesko amare dizutnenge”, phendja o Stanković.

 

Dragiša Simić, direktori fabrika pajneski, naisardja e telopresidentkake thaj timeske ano Ministribe sebepi ažutipe thaj devipedumo ani realizacia akale programesko.

 

“Nevisardjam akava sistemi mašinengo thaj kerdjam rekonstrukcia 12 km sistemi pajnesko, sa ano moldikanipe pobuder kotar štar milijojna evrja, so vaš amari komuna baro zumavipe. Nais sarenenge pedo suporti”, phendja o Simić.