RSS

You are here

Mihajlovićka ano Dive komunako Dimitrovgrad: Te dživdinol srbikano-bukarikano amalipe, te dživdinol Srbia!

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vizituindja avdive Dimitrovgradi, sebepi lepardipe Dive komunako, thaj vaš odova ano rekonstruišimo Trg Zoran Djindjić baro gendo dizutnengo so kedisale phendja kaj šaj te oven barikane pedo piri komuna thaj lačardo trg so akahrela anav kotar jekh vizionari Srbiako, sar ini kaj sig ka ovol agorisimo auto-drom ano javinutno khak Kordiori 10.

 

"Phirava ani bufljardi Srbia kotar javinutnipe dži rjačutnipe, kotar šudripe dži mesmeripe, thaj dikhava lačhe thaj pohari lače šeja thaj šaj te phenav kaj manglape te oven barikane pedo akava lačardo trg. Dimitrovgradi sito than kote majbut thaj majšukhar dikholape zoralipe auto-dromesko sava lačara thaj savo phandoj tumari komuna e aver kotorjenca Srbiake, ama ini e Bugaria, ano savi dživdinena  tumare familie thaj amala", phendja i Mihajlovićka.

 

Voj phendja dizutnenge kaj ano drom dži Dimitrovgradi dikhlardja bukja so pana ačhile ano javinutni khak Koridori 10, savo ka oven agorisime dži novembari.

 

"Adžahar kaj sig šaj te džan kompletno auto-dromea kotar Dimitrovgradi dži Niš. Mangava tumenge bahtalo dive komunako. Te dživdinol Dimitrovgradi, te dživdinol srbikano-bugarikano amalipe, te dživdinol Srbia!", phendja i Mihajlovićka.

 

Vaš šukharavilutnipe thaj ano barikanipe telopresidentkako ano lačardo Trg Zoran Djindjić anglo baro gendo dizutnengo kerdilo adekvatno kulturako-artistikano programi khelipe thaj gila kotar akava agor.

 

Presidentokomunako Dimitrovgrad Vladica Dimitrov mangla šukharavutnipe e telopresidentkake Mihajlović, kamlipa kaj adžahar vizite ka oven pana ano avutnipe.

 

"Sijamen but lačho maškharipe e Ministriba vaš lačardipe, dromutnipe thaj infrastruktura thaj odova amenge but semno soske sito ano reso barjaripe komunako thaj ano majšukhar interesi amare dizutnengo. Bahtali amari festa!", phendja vov.