RSS

You are here

Mihajlovićka: Ano infrastrukturake projektja kerena buti 2.500 bučarne, angluni viktimi ano sastrnalutni 

“Ano deš majbare infrastrukturake lačardimaske thanende ani Srbia momentalno angažuime 2.500 bučarne thaj propozalo Ministribasko sito kaj sa lačardimaske thana save šaj te funkcionišinen ano vakhti epidemiako, pakjavipa sa arakhibaske napja, manglape te keren buti”, phendja Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, ano detharinesko programi TV Prva.

 

Mihajlovićka lepardja kaj, maškhar sa, kerelape ano Moravako koridori, lačardipe trujalutno drom trujal Beogradi, sar ini pedo lačardipe sigutni pruga kotar Beogradi dži Budimpešta. 

 

“Ani etapa avutni sigutni pruga kotar Stara Pazova dži Novi Sad, savo sito jekh kotar majrodutne lačardimske thana ano mesmerjavinutni Evropa, anglo disavo dive pharavdilo tuneli Čortanovci.

 

Aktivno siton deš majbare infrastrukturake projektja, disave funkcionišinena e tiknarde kapacitetea thaj pedo amaro dukhipe sijamen ini situacia kaj jekh bučarno “Infrastrukturake železnice” mulo ano Niši kotar korona virus. Odova so sito semno so musaj te kera sito ta na ačhol dživdipe, pakjavava kaj ka agorisina e so po hari viktimjenca thaj problemjenca te sine kaj sijam jekhutne thaj solidarno”, phendja voj.

 

Mihajlovićka pana phendja ini kaj ano vakhti epidemiako savo khuvdja sa lumia nane problemi gendo bučarnengo ano lačardimaske thana, uč sar te avolpe dži vastušeja thaj matrijali vaš buti te kerolpe. 

 

“Škodripe si bare, sar ani sa lumia, ama raštra kerela majšukhar so šaj. Gatisarina baro plani sanaciako, sar ano privatno, adžahar ini ano raštrako sektori. Semno sito te lungara te marahape thaj te inarahape ano odoja harijali ranik ekonomiako ani savi sinam anglo akaja epidemia”, dendja klidutnipe telopresidentka i Mihajlovićka.