RSS

You are here

Mihajlovićka: Ano lačardimske thanutne bare infrastrukturake projektjengo ani Srbia pobuder kotar 1.500 bučarne  

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj ano lačardimaske thanutne majbare projektjengo vaš lačardipe dromutni thaj sastrnalutni infrastruktura ani Srbia avdive angažuime sa 1.529 bučarne thaj kaj bukja kerenape uzo labaripe sa napja save anglodikhlardile ano reso cidipe infektivno nasvalipe COVID-19.

 

“Gendo bučarnengo ano rami e faza ano save arakhenape bukja, thaj majbaro gendo bučarnengo, sa 443, kerena ano lačardipe etapa sigutni pruga kotar Stara Pazova dži Novi Sad. Ano akava lačardimasko thanutnipe, kote bukja kerela rusiako RŽD, siton ini 293 jekhutne mehanizaciake. Ano dujto  etapa sigutna prugako Beograd-Budimpešta, kotar Beogradi dži Stara Pazova, kote kerdutne bukjako sitoj kinaki kompania China Communications Construction Company (CCCC) thaj “China Railway International”, bukja avdive kerena 362 bučarne”, phenela i Mihajlovićka.

 

Ano trujalutnodrom trujal Beogradi, ani etapa andi lačardipe kotar Ostružnica dži Bubanj potok,   kote angluno kerdutno kinaki kompania “Power China”, si 350 bučarne thaj 107 jekhutne mehanizaciake.

 

Ano lačardimasko thanutnipe Moravako koridori, jase auto-drom Pojate-Preljina, ano savo angluno kerdutno konzorciumi kompaniengo “Behtel” thaj “Enka”, ano lačardimasko thanutnipe si 62 bučarne, sar ini 23 jekhutne mehanizaciake.

 

Ani etapa auto-drom “Miloš Veliki” kotar Požega dži Preljina, kote kerdutno kinaki kompania CCCC, buti kerena 58 bučarne, a angažuime siton 23 jekhutne mehanizaciake. Ano dujto lačardimasko thanutnipe akala kompaniako, ani rekonstrukcia raštrako drom Novi Pazara-Tutin, angažuime 45 bučarne, sar ini 23 jekhutne mahanizaciake.

 

 Ani etapa sastrnalutnesko Koridori 10, kotar Jajinci dži Mala Krsna, bukja avdive kerena sa 112 bučarne, a kerdutne siton franciaki kompania “Kolas” thaj srbikano “Energoprojekt”. 

 

Mihajlovićka kerela apeli pedo sa kerdutne kaj buti kerena uzo pačavipe sa napjengo savenca dikhlarelape arakhipe thaj uluvipe sastipe bučarnengo, sar ano lačardimasko thanutnipe, adžahar ini ano rami kampjengo, kote manglape ulavdi kontrola ano reso eliminišipe infekcia ano vakhti pandemiako COVID-19.