RSS

You are here

Mihajlovićka ano Majdanpeko: Kotar luja nakhutno drom dži Žagubica

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović vizituindja avdive Majdanpeko thaj e presidentea komunako Dragan Popovićea, počekatunea Boresko regioni Vladimir Stankovićea thaj direktorea firmako “Putevi Srbije” Zoran Drobnjakea dikhlardja rehabilituimo drom Kučevo-Majdanpeko thaj purt Debeli lug, savo aravdilo ano juneske barepajna.

 

Mihajlovićka kotar odova phendja kaj avdive but pointeresantno te vakharolpe kotar korona thaj protestja, ama musaj ini te kerolpe buti, a kaj lačardimaske bučarne bičhindipa kerena buti kotar starti lačardimaski sezona.

 

“Natura varekana kontrolišina odolea so lačara, ama varekane našti opipe odolestar so amenge anela natura. A natura amenge andja baro škodripe ano juneske barepajna ano pobut regiojna ani Srbia. Moldikano vaš sa dizutnenge te džanen kaj Thagarutni Srbiaki thaj akava ministribe, kupate e “Putevi Srbije”, sa škodripe ka lačarol, sa aravdo ka kerol thaj sa odova musaj te ovol gata dži po agor lačardimaski sezona. Kotar luja ka ovol nakhutno drom dži Žagubica. Akaja purt kaj lačara majzabades vaš duj te kvaš dži trin maseka, uzi deviacia savi kotar luja dizutne šaj te labarinen”, phendja voj.

 

Mihajlovićka phendja dizutnenge kaj raštra sitoj akate thaj kerela buti kupate e lokalno korkoro direkcia, thaj na ka mukhol dizutne te oven čhindutne kaj našti normalno te funkcionišinen.  

 

“Vaš akava agor adžahar si moldikane sigutne dromutnikane save ka lenpe te lačarenpe ano avutno berš. Ano akava berš kera projekteski-tehnikaki dokumentacia vaš 350 km sigutne dromutnikane, molipe odole projektjengo trujal 1,5 milijarde evrja. Lafi sito kotar Požarevac, Veliko Gradište, Golupci, Donji Milanovac, Brza Palanka, Kladova, ama ini Paraćin, Zaječar thaj Negotin. Nane egzistencia dživdipaski ni ekonomiaki te sine kaj manuša nanolen infrastruktura-komunalni, dromutnikani jase energetikani. Ka agorisina sa, oveni bi bajosko, raštra sitoj akate”, dendja klidutnipe voj.

 

Počekatuno Boresko regionesko Vladimir Stanković phendja kaj raštra ano nakhlo jekh berš te kvaš ano akava regioni investirindja prekal 10 te kvaš milijarde dinarja ano aver aver infrastrukturake projektja.

 

“Thagarutni thaj resoresko ministribe siolen but šukhar maškharipe e sa regiojnenca thaj lokalno korkorodirekcienca. Našti te anglodikhlara natura, ama avdive sijam ispatja kotar iniciativa Ministribasko, savo alo te ažutinol amare regioneske thaj Majdanpekeske. Nais po ažutipe save amenge dena”, phendja vov.

 

Presidento komunako Dragan Popović phendja kaj sanirinelpe škodripe  savi finansirinena Ministribe thaj “Putevi Srbije”.

 

“Adžukhara kaj sig ka ovol sa gata ano odova na sungava soske sijamen but šukhar maškharipe, so dikhlardilo ano sa nakhutne berša. Palem 50 berš kompletno sanirimo 26 km drom dži Kučevo. Kerenape ini aver lokalno droma, uzo but baro ažutipe Thagarutnako thaj Ministribasko”, phendja o Popović.

 

Zoran Drobnjak phendja kaj but investirisalo ano akava kotor Srbiako thaj kaj “Putevi Srbije” kupate e Thagarutna, ka lungarol podur te investirinol, a problemja save iklona ka agorisinol ano vakhti sar ini dži akana.