RSS

You are here

Mihajlovićka ano putaripe auto-drom Surčin-Obrenovac: Sikhavdjam kaj sijam kabilutne vaš bare keripe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela avdive kotor, khupate e presidentea Republika Srbiako Aleksandar Vučić, ano putaripe etapa auto-dromeski “Miloš Veliki” kotar Surčin dži Obrenovac.

 

Aleksandar Vučić bahtakerdja dizutnenge pedo agorisipe kompletno auto-dromesko kotar Beogradi dži Čačak thaj phendja kaj lačardo drom ka resol pošukhar avutnipe Srbiake, neve investicie thaj neve fabrike. ”Adivesta Beogradi thaj Čačak popaše jekhe jekheske thaj sa thana maškhar olende, poangle tradolpe sine duj tekvaš satja kotar Beogradi dži Čačak, a avdivesta tradolpe jekh sati”, phendja o Vučić thaj bahtakerdja telopresidentkake thaj Ministribaske vaš lačardipe, dromutnipe thaj infrastruktura pedo labdardo realizuimo projekti.

 

Mihajlovićka phendja kaj lačardipe auto-dromesko Surčin-Obrenovac auto-drom “Miloš Veliki” andilo ano pondž minutja kotar Beogradi. “E lačarde 350 km auto-drom, pobuder kotar 500 km reahabilituime pruge, sikhavdjam kaj ani Srbia khanči veke nane dur. Akava auto-drom nane numa konekcia savo phanela Obrenovac, Ub, Lajkovac, Ljig thaj aver thana ani rjačutni Srbia, vov nane numa konekcia savo ažutinela ekonomiake. Akava auto-drom sito kotor amara istoriako savo amen leparela kaj sijam savakht, ini kobor te ovol phare, sijam kadro thaj kabilutne vaš bare keripe”, phendja i Mihajhlovićka thaj pana phednja kaj avdive akava auto-drom  dela pedo labaripe dizutnenge Srbiake.

 

Dženo Prezidiumesko BthajH Milorad Dodik phendja kaj auto-drom savo avdive putarelape resela pošukhar konekcia Srbiako thaj Republika Srpskako, sar ini kaj Srbia sikhavdja kaj sitoj phuv savi majsig barjarola ano regioni.

 

Ambasadorka ThR Kinaki ani Republika Srbia, Čen Bo, phendja kaj auto-drom Surčin-Obrenovac semno vaš barjaripe Srbiako thaj vaš maškharipe Srbiako thaj ThR Kinako. 

 

Voj pana phendja kaj Srbia astardja bare rezultatja ani sektori infrastruktura, vaš savo poro reslipe dende ini kinake kompanie, sar ini kaj maškharipe ani infrastruktura semno kotor ani relacia Srbia thaj ThR Kina thaj semno mothovdipe iniciativako “Jekh khustik, jekh drom”.

 

Džang Sjaojuen, direktori CCCC/CRBC ani Srbia, savi lačardja auto-drom Surčin-Obrenovac, naisardja presidentoske Srbiako, Ministribaske vaš lačardipe, dromutnipe thaj infrastruktura thaj sa partnerjenge pedo devipedumo kotar sasutni realizacia projekteski, sar ini srbikane thaj kinake bučarnenge save pere reslipa kerde te ovol auto-drom labdardo agorisimo thaj mukhlo ano dromutnipe.

 

Ano putaripe  auto-dromesko lele kotor ini premijerka Ana Brnabić, ministrja ani Thagarutni Srbiaki, dženutne dizjenge thaj komunenge, firmenge thaj bučarne save kerde buti thaj baro gendo dizunengo.

 

Etapa Surčin-Obrenovac sitoj angluni etapa auto-dromeski E763 Beograd-mesmer Jadrani, lungipa 17,6 km. Molipe projektesko sito 208 milijoja evrja. Šerutno kerdutno bukjengo sitoj kinaki kompania China Communications Construction Company (CCCC).

 

Bukja lelepe 5.majea 2017. berš, a agorisalile po angle kotar kontraktesko roki, savo sine 5.januari 2020. berš.

 

Uzo trasa dromeski e kompletno infrastruktura,  ano projekti sine ini purt prekal Sava thaj Kolubara, vijadukti prekal sastrnalutni pruga Ostružnica-Batajnica, sar ini duj kombja Surčin thaj Obrenovac.

 

Ani akaja etapa sito ini purt prekal len Sava thaj Kolubara lungipa 1.581 metarja, sar ini pana 11 purtja, sa lungipa 1.167 metarja.

 

Kotor auto-dromesko siton ini duj kombja-Surčin thaj Obrenovac. Kombo Surčin phanela nevo trasa auto-dromeski e trujalutne dromea trujal Beogradi, jase e avutne dromea kotar Novi Beogardi dži Surčin, dži  ano kombipe Obrenovac nevo auto-drom phanela e uč lačarde trasa auto-dromeski “Miloš Veliki” kotar Obrenovac dži Ljig. Dži kombo Surčin, dži na kerelape konkcia Novi Beograd.-Surčin, šaj te avelpe iklovipa kotar auto-drom Beograd-Zagreb palo beogradesko aerodormi (ortipe ko Ostružnicaki purt) kotar centri Beogradesko, prekal Banovo brdo thaj Ostružnica (orto prekal Ostružnicaki purt vaš Surčin).

 

Etapa Surčin-Obrenovac cidimi sitoj kotar sistemi pokhinipe dromaripe. Palo putaripe etapa kotar Surčin dži Obrenovac ini podur ka funkcionišinol phando sistemi pokhinipe dromaripasko pedo nakhlo kilometri, e šov pokhinipaske stanice: čekatuni ano Obrenovaci thaj Preljina thaj rigutne ano Ub, Lajloovac, Ljig thaj Takovo.

 

Khupate e agorisime etapenca (Obrenovac-Ub, Ub-Lajkovac, Lajkovac-Ljig thaj Ljig-Preljina) ka reselpe bičhindutno pherdo profili auto-dromesko kotar Beogradi dži Preljina sa lungipa 120 km.