RSS

You are here

Mihajlovićka ano RTS: Bi solidaripa džuvlja na ka ovelolen pobare hakaja

Šukhar sito so Srbikani napredna stranka  avazindja adžahar semno kanuni kaj ano parlamenti thaj lokalno parlamentja te ovelamen 40 šelestar džuvlja. Semno sito džuvlja te khuven ano politikano dživdipe thaj ano sa sfere amalipaske thaj te resen ano keripe moderno thaj putardi Srbia”, phendja arat Telopresidentka Thagarutna Srbiaki thaj presidentka Koordinaciako truposko vaš njamesko jekh jekhipe, prof. dr Zorana Mihajlović, dostuipa ani emisia “Upitnik” ano RTS. 

 

Voj phendja  kaj kotar kana marelape vaš džuvljikane hakaja, angluno thaj šerutno lafi sito solidaripe, soske bi solidaripe maškhar džuvlja na ka oven ni pobare hakaja džuvljenge.

 

“Relacia prekal džuvlja ani politika musaj te pharuvinolpe. Adikharava kaj nevo parlamenti e 40 šelestar džuvlja ando oleste but polokhe ka anol nevo kanuni kotar njamesko jekh jekhipe, pedo savo but lunge adžukhara thaj ano vakhti kana ole Koordinaciako trupo gatisardja e partnerjenca talohalovela te čhivolpe kvota kotar 40 šelestar ano but institucie, ama ini čhivipe njamesko senzitivno čhib, njamesko amboldipasko budžetiripe thaj disave amboldipe. Ini ano odova vakhti, sar ini akana, pačavinava kaj Srbia gatisarimi vaš oleske”, phendja voj.

 

Mihajlovićka phendja kaj ini kvote but semne palem kana nane džuvlja, te oven, ama kaj na ka ovel lokhe te arakhenpe 40 šelestar džuvlja ano lokali.

 

“Džuvlja siton racionalno, phare ka anen pratsav te khuven ani politika kana dikhena sar avdive nakhena džuvlja ani politika. Ama, amen sijam pana pionirke thaj akate sijam te kera drom neve generacijenge džuvlja te khuven ani politika thaj te oven kotor sakola sferako dživdipasko. Njamesko jekh jekhipe sitoj khupatni tema ini džuvljengo thaj muršengo thaj numa semno pučipe sito manga mi moderno thaj barjaripaski Srbia”, phendja voj.

 

Telopresidentka Thagarutnaki phendja pana kaj voj hor pačavinela ano odova so kerela marinindope vaš džuvlikane hakaja, thaj odova sito sebepi  soske nakhela ano parlamenti, a na daj dženo ola te arakhela kotar atakja.

 

“Barikani sim pedo sa so kerdjam ini sar SNS ini me sar dženutni partijaki prekal ministribe savo legarava. Na planirinava te iklovav kotar politikano dživdipe, ni na gndinava kotar odova kaj presidento Aleksandar Vučić šaj te cidolpe kotar than presidento SNS soske vov sito SNS. Sima pherdo pačavipe pedo oleste thaj kamava oleja te kerav buti”, klidutnindja voj.