RSS

You are here

Mihajlovićka ano Trsteniko: Agorisindjam problemi pajensko vaš 10.000 manuša

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive phiribaski purt e legaripacevesko ano Trsteniko, savesko lačardipa agorisalilo problemi te anolpe pani vaš 10.000 manuša, a savo ka labarinolpe ini te džalpe prenca.

 

Mihajlovićka bahtakerdja e dizutnenge  ano Trsteniko Dive komunako thaj dendja labaripasko mukhlutno lil vaš purt e presidenteske komunako Trstenik Aleksandar Ćirićeske.

 

"Thagarutni Srbiaki sitoj e Trstenikoa thaj ka kera buti thaj ka investirina na numa ano komunalno infrastruktura, uč ini ano aver umalja. Ka kera buti kupate, ka ova tumenca thaj ka resa, po odova pačavava, neve rezultatja", phendja i Mihajlovićka, thaj pana lepardja kaj ano adikharipe thaj rekonstrukcia dromengo ano Rasinsko regioni investirisalo pobuder kotar štar milijarde dinarja.

 

Voj pana phendja kaj vaš barjaripe Trstenikosko but semno so ka lačarolpe nevo auto-drom prekal centralno Srbia, Moravako koridori, savo ka phanol Čačak, Kraljevo, Trstenik, Kruševac thaj aver thana ano akava kotor Srbiako."Odova sito semno ini vaš pošukhar dživdipe dizutnengo thaj keripe šartja vaš barjaripe ekonomiako", phendja voj.

 

Presidento komunako Trstenik Aleksandar Ćirić naisardja e telopresidentkake pi vizita ani komuna Trstenik thaj phendja kaj akava nevo umlavdo purt ka ovol nevo simboli dizjako, ama ini ka anol pani vaš 10.000 dizutnenge ani akaja komuna. Vov phendja kaj komuna gatisarinolpe ini vaš neve projektja ani umal khedipe thaj šužaripe melalje pajna molipa pobuder kotar 10 milijojna evrja, savo sar ini lačardipe purtjako e pajneske cevea, ka realizuinolpe ano maškharipe e germaniaka barjaripaska banka KfW.

Ano lačardipe akale purtjako investirisalo 715.000 evrja, a sa prekal programja save Ministribe vaš lačardipe, dromutnipe thaj infrastruktura realizuinela e germaniaka barjaripaska banka KfW investirisalo ani umal pajneskophiribaski infrastruktura ano Trsteniko  3,4 milijojna evrja.