RSS

You are here

Mihajlovićka: Avdive palo plani pana jekh urjavipe vaš Pariz pale amare raštrutne

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj Thagarutni Srbiaki uzo ažutipe presidento Republikako intenzivno kerela pedo inaripe amare dizutnengo save ačhile ano maškharthemutne aerodromja ani Evropa thaj lumia.

 

„Nane lokhe ni čučavno, kerelape pedo odova 24 satja. Uzo amare dizutne save andjam kotar aerodromja ani Havana thaj Moskva, aratike ano Aerodromi „Nikola Tesla“ fulisto ini avioni kotar Doha e 140 dromutnenca. Aratike fulisto ini avioni kotar Parizi e 144 dromutne thaj jekha beba, a dži sine rat alo avioni kotar Šangaj e ažutipa save amenge bičalena amare kinake amala. Nais kinake themeske, presidentoske Si Djinpingeske thaj ambasadorkake Čen Bo pedo sa so kerena vaš amari phuv ano akava momenti“, phendja voj.

 

 Mihajlovićka phendja pana kaj vaš avdive planirimo pana jekh humanitarno urjavipe vaš Šangaj, savo pedo amaro plani manglape te inarolpe ano Beogradi ano tetraidj ano 13.30 satja.

 

„Vaš avdive, planirimo pana jekh urjavipe vaš Pariz, savea diso poangle kotar 10 sati ki rat manglape ani phuv te inarenpe pana amare dizutne. Kera sa so šaj vaš te resa sar humanitarno kargo, savo sito semno ano akava momenti, adžahar ini sa amare manušen te inarenpe“, dendja klidutnipe voj.