RSS

You are here

Mihajlovićka: Avio-linia maškhar Beogradi thaj Priština kana kerenape šartja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj ovela sine šukhar te ovol urjavipe maškhar Beogradi thaj Priština thaj kaj kerelape buti pedo administrativno thaj tehnikake šartja vaš odova te resolpe.

 

“Sar so sijamen autobuseske linie maškhar Beogradi thaj Priština, adikharava kaj akaja linia šaj te anol numa šukharipe thaj gatisarime sijam te kera pedo odova te ovelamen administrativno thaj tehnikake šartja vaš odova”, phendja i Mihajlovićka amboldipa pedo pučipe žurnalistjengo palo hramosaripe Halovipe kotar maškharipe thaj Kontraktesko halovipe vaš projekti kedipe thaj šužaripe melale pajnengo centralno kanalizaciako sistemi Dizjako Beograd.

 

 Sebepi phenipasko kaj Ministribe ekonomiako e germaniaka avio-kompania “Lufthanza” ka hramisarol Memorandumi kotar halovipe, sar ini kaj linia šaj te ovol ani buti palo so cidenape takse, Mihajlovićka phendja kaj administrativno thaj tehnikake šartja siton pedo majangle kotor kotar Beogradi dži daj punkti ano administrativno linia, a pale ini podur dži Priština, thaj vaš odoleske mangelpe te resolpe ini adekvatno halovipe e UNMIK-ea, kana vaš odova kerenape šartja.

 

Mihajlovićka phendja kaj Srbia vazdela tikne aerodromja thaj kaj uzo nišesko ini kraljevako aerodrome, planirimo te barjarenpe ini aver tikne aerodromja ani Srbia.

 

“Ano nišesko aerodromi lelape lačardipe nevo toranj vaš kontrola urjavipasko ano akava berš, sar so ka kerolpe ini ano beogradesko aerodromi. Kerelape ini projektesko-tehnikaki dokumentacia vaš lačardipe nevi pista ano aerodromi “Morava”. Planirina te barjakera ini aerodromi “Ponikve” uzo Užice savo šaj te ovol atraktivno majangle vaš turizmi. Investiripe ano odova aerodromi manglape te lelpe 2021. berš, ano molipe kotar 5 dži 10 milijojna evrja. Adžahar, si interesi vaš barjaripe boresko aerodromi thaj aerodromi ano Novi Sad”, phendja i Mihajlovićka.