RSS

You are here

Mihajlovićka: Barikani sim pe sa projektja “Rusijaki sastrnalutni” ani Srbia

Telopresidentka Thagarutni Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e Sergej Pavlovea, neve anglune javerutnea generalno direktoresko “Rusiake sastrnalutne”, sar ini duje dženenca neve vastalutne “RŽD internacional”, Sergej Stoljarovea, generalno direktorea thaj Mansurbek Sultanovea, direktori akala kompaniako ani Srbia. Ano bešipe lele kotor ini ambasadori Rusiaka Federaciako ani Srbia Aleksandar Bocan-Harčenko.

Realizacia projekti lačardipe sigutne pruge kotar Beogradi dži Budimpešta, rekonstrukcia Bareski pruga thaj lačardipe jekhutno dispečersko centri vaš vastalutnipe sastrnalutne dromutnikanipa sineton teme avdisutne bešipasko.

 

“Bahtakerava Tumenge rajo Pavlov  pedo anavnutnipe. Pakjavava kaj, sar ini dži akana e “Rusiake sastrnalutna”, jekh kotar majšukhar lumiake kompanie, ka ovelamen lačho maškharipe, kotar savi amare inžinjerja šaj but te sikhlon thaj te len neve empirie. Barikani sim pedo sa so kerdjam khupatne ani Srbia”, phendja i Mihajlovićka.

 

Telopresidentka Thagarutnaki phendja kaj ani interesi Srbiako kaj ano berš savo avela ovela gata projektesko-tehnikaki dokumentacia vaš jekhutno dispečersko centri thaj lungaripe rekonstrukcia Bareski pruga, sar ini kaj sijam interesuime vaš labardipe savore moderno tehnologie save RŽD realizuinela. Voj pana phendja kaj dži po agor akale masekesko parlamenti ka lol dokumenti kotar nevo rusiako krediti, klidutnimo Halovipa duj thagarutnengo ano oktobri ano akava berš.

 

Sergej Pavlov sikhavdja naisaripe Thagarutna Srbiake thaj Ministribaske pedo suporti savo dena  semne projekteske lačardipe sigutni pruga Beograd-Budimpešta thaj sikhavdja pačavipe kaj ini avutne dinamike realizacia khupatne projektjengo ka džan jekha jekh sigipa.

 

“Mangava Tumen te informišinav kaj lačardipe etapa sigutni pruga kotar Stara Pazova dži Novi Sad nakhela pedo plani thaj kaj ani Srbia sijamen anglune 35 km čhivde sigutne pruge. Sikhava interesuipe vaš lačardipe etapa Subotica-Horgoš, soske sijam džande kotar semnipe akale projektesko vaš Srbia. Sigurno sim kaj ini ano sa aver projektja, majangle lačardipe Bareski pruga, sar ini jekhutno dispečersko centri thaj elektrotehnikake infrastrukture ani etapa Stara Pazova-Novi Sad, ka lungara šukhar maškharipe”, phendja o Pavlov.

 

Ambasadori Rusiako Federaciako ani Srbia Bocan-Haračenko phendja kaj rusiaki thagarutni čaljardi maškharipa thaj faktea kaj sa džala pe kontrakteski dinamika, thaj verifikuindja but šukhar bilateralno relacie maškhar duj raštre.

 

“Sigutni pruga kotar Beogradi dži Budimpešta siola but baro semnipe na numa vaš Srbia, uč ini vaš Evropa. Kaj sijamen šukhar maškharipe ano sektori infrastruktura thaj dromutnipe verifikuinde ini duj presidentja, Vučić thaj Putin, ano nadur adikhardo bešipe ano Soči”, phendja vov.