RSS

You are here

Mihajlovićka: Beogradi definitivno lela sistemi vaš šužardipe melale pajnengo

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive kupate e direktorea ani filijala kompaniako China Machinery Engineering Corporation (CMEC) ani Srbia, Li Sjuećengea thaj direktorea JKP “Beogradski vodovod i kanalizacija”,Dragan Djordjevićea Halovipe kotar maškharipe thaj Kontraktesko halovipe vaš projekti kedipe thaj šužaripe melale pajnengo ani centralno kanalizaciako sistemi Dizjako Beograd.

 

Ano hramosaripe lele kotor ini dizakopočekatuno Beogradesko Zoran Radojičić thaj javerutno dizakopočekatunesko Beogradesko, Goran Vesić, sar ini dženutne ambasadake ThR Kina.

 

Mihajlovićka vaš odova phendja kaj Beogradi numa korkoro ani Evropa savo nanole sistemi vaš šužaripe melale pajnengo, thaj kaj akava projekti kotar but baro semnipe soske odova sito pučipe dživdipasko maškharipe thaj pošukhar kvaliteti dživdipasko amare dizutnengo.

 

“Akava sito kapitalno projekti ano savo musaj te oven saren, dži kinaki kompania ka vakharol e Ministriba finansiako kotar šartja finansiripaske, a numa angluni faza ka ovol 271 milijojni evrja, avdisutne hramosaripe Halovipasko kotar maškharipe amen ka la rodipaske bukja-keripe sa studie, analize thaj projektiripe sar tana našala vakhti”, phendja voj.

 

Mihajlovićka phendja kaj beršeste ani Sava thaj Dunav čhordjola 190 milijojna kubikja melalo pani, so šaj te kerolpe komparacia e 60 milje olimpisko bazejna jase 19 milijojna cisterne.

 

“Ama, akate na ačhova, prekal nevo investiciako plani Srbia 2025 amen ka ulava jekh milijarda evrja savi ka investirina ini ano aver dizja thaj komune ani Srbia save siolen adžahar problemja”, dendja klidutnipe i Mihajlovićka.

 

Zoran Radojičić phendja kaj akava semno dive vaš Beogradi soske ka agorisinolpe buteberšengo problem Dizjako.

 

“Naisaripa finansisko stabilipe Thagarutna Srbiako amen šaj khupate te realizuina akava kapitalno projekti savo ka kerolpe pedo majmoderno standardja thaj savo ka resol anglunisaripe dživdipasko maškharipe”, phendja vov.

 

Goran Vesić phendja kaj 1/3 dizako nanole kanalizacia, dži akala so ačhile duj tritune čhorenape ani Sava thaj Dunav.

 

“Lačardipa akava sistemi ka čhina 80 šelestar iklovipe melale pajnego ani Sava thaj Dunav. Angluni thaj majbari fabrika ka učharol 1,5 milijojna dizutnen, dži planirina lačardipe pana štar potikne fabrike. Nais Thagarutna Srbiake thaj telopresidentkake Mihajlović, ama ini presidenteske Aleksandar Vučić, bi savenge realizacia akale projektjengo našti sine te ovol šaj”, phendja o Vesić.

 

Li Sjuećeng phendja kaj Beogradi ka ovelole duj var mištipe kotar akava projekti - ka ovol pošukhar kvaliteti dživdipasko thaj na ka ovol riziko kotar baro pani.