RSS

You are here

Mihajlovićka: Droma siton phirutne, nane ačhavipe ano transporti robako

Telopresidentka Thagarutna Srbiaki thaj ministarka vaš lačardipe, dromutnipe thaj imfrastruktura, prof. dr Zorana Mihajlović. Phendja avdive kaj sa auto-dromja thaj aver dromutnikane ani Srbia siton phirutne, thaj kaj nane ačhavipe ano transporti robako thaj ni na ka ovol.

 

„Transporti sito vitalno semnipe na numa vaš amari phuv, uč ini vaš sa aver raštre uzo amende. Ini Koridori 10 thaj auto-drom „Miloš Veliki“ siton phirutne. Avdive dži 10 sati ani teritoria Srbiaki khuvde 22.000 šleperja thaj kamiojna, odolestar 11.000 vaš manglipe amara phuvjako thaj dizutnenge, a aver 11.000 ano tranziti“, phendja voj.

 

Mihajlovićka phendja kaj sistemi funkcionišinela thaj kaj ini „Putevi Srbije“ thaj sa aver firme angažuime vaš te adikharen droma kerene piri buti.

 

„Džanelape sako so kerela buti thaj sako poro kotor bukjako kerela sar manglape. Pakjavava kaj nisavo ačhavipe ano transporti robako thaj anibe habasko sar amare dizutnenge, adžahar ini phuvjenge ano regioni, na ka ovol“, dendja klidutnipe voj.