RSS

You are here

Mihajlovićka: Dromutnipe avdive ulo direko diplomatiako

“Ano akava zumavipasko thaj pharo vakhti save saren malavdinahape, transporti ulo direko diplomatikao. Naisaripe transportesko savo funkcionišinela, reslam te kerolpe šukhar anibe robako dizutnenge, inardjam amare manušen ani phuv, a avrijalutne dizutnen tradindjam ano olenge raštre thaj vaš odova lelam todine saverenda, kotar Khedutne Amerikake Raštre, dži Gemania, Francia thaj aver phuvja. Soske bi dikhiba pedo sa, dživdipe našti te ačhol”, phendja taharako Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj ano detharinesko programi TV Prva phendja kaj pučibe anibe robako ano vakhti epidemiako fundono manušikano pučibe, thaj kotar čhivipe avrirndomo situacia dži avdive ani teritoria Srbiako khuvdja 58.000 bare šleperja thaj kamiojna, odolesta kvaš vaš anibe roba amara phuvjake. 

 

“Trin siton anglune bukja-te adikhara majbare lačardimaske thana, te resa anibe robako dizutnenge thaj te resa inaripe manušengo ani Srbia thaj avipe humanitarno ažutipe. Kotar čhinibe rndomo transporti tradindjam 7.700 manušen, odolestar 4.500 amare raštrunen save inardjam ani phuv. Semno sito transporti te funkcionišinel, odova sito vitalno pučipe ano akava vakhti”, phendja voj. 

 

Mihajlovićka lepardja kaj Thagarutni Srbiaki angluni andja pratsav kaj maškharthemuno transporti našti te ačhol thaj kaj sitoj ano konstantno komunikacia e ministrjenca kotar regioni sar te resolpe biproblemesko funkcionišipe transportesko. 

 

“Andjam ini pratsav kotar cidipe policiake konvoja vaš kamiojna, sar te lokhara MAB, ama ini sigardjam nakhibe robako thaj anibe robako ani Srbia thaj ano sa aver phuvja ano regioni. Saren maksimalno dikhena o transporti te ovol po sig thaj adikharipe ano samatrende akana siton po harne ze so sine ano starti”, dendja klidutnipe i Mihajlovićka.