RSS

You are here

Mihajlovićka e ambasadorea Kataresko kotar anglunisaripe maškharipe ano aero dromutnipe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e ambasadorea kotar Katar ani Srbia, Mubarak bin Fahad al Thani, savea vakhardja kotar maškharipe duje raštrengo ano umal dromutnipe thaj infrastruktura.

 

Ano bešipe ulavdo sine lafi kotar labaripe te hraminolpe halovipe kotar aero dromutnipe maškhar duje raštre, thaj vakhardilo kaj ano majsig roki odova te realizuinolpe.

 

„Halovipe kotar aero dromutnipe semno sito vaš podur relacie amare duje phuvjengo. Putarde sijam te lačara ini pana pošukhar maškharipe e Ministribea vaš dromutnipe Kataresko. Srbia, sar politikano thaj ekonomikano stabilno phuv, khuvela ano nevo investiciako ciklusi ani infrastruktura thaj pharuvipe empiriako e Katarea, ama ini katareske investicie ani amari phuv siton amenge semne”, phendja i Mihajlovićka.

 

Ambasadori Kataresko sikhavdja naisaripe vaš principielno devipedumo Srbiako akala raštrake, poulavdipe kana sito ano pučipe kandidatura vaš dženipe ano maškharthemutne organizacie, savi sitoj ini Egzekutivno konsili Maškharthemutno derjavutni organizacia.