RSS

You are here

Mihajlovićka e delegacia kinaki Eksim banka kotar finansiripe infrastrukturake projekatja kotar nevo investiciako ciklusi

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović, vakhardja avdive e delegacia kinaki Eksim Banka kotar finansiripe projektjengo ano transporteski infrastruktura.

 

“Republika Srbia thaj ThR Kina siolen šukhar maškharipe ano sektori infrastruktura, a Eksim banka sitoj finansijeri ano disave majbare projektja ani Srbia, ano odova ini lačardipe auto-drom “Miloš Veliki”, trujalutno drom trujal Beogradi thaj sigutni pruga Beograd-Budimpešta. Manga odova maškharipe te lungara ini pedo projektja save planirina te realizuina ano rami neve investiciake cikluseske”, phendja i Mihajlovićka.

 

Ano bešipe, maškhar aver, vakhardilo kotar projektja lačardipe Fruškogorako koridori, etapa auto-dromeski “Miloš Veliki” kotar Novi Begrad dži Surčin, sigutni dromutnikani Iverak-Lajkovac thaj rekonstrukcia  thaj moderniripe prugako Beograd-Niš.

 

Javerutno direktoresko ano Biro vaš raštrake kreditja kinaki Eksim banka, Džu Jing, naisardja e telopresidentkake pedo devipedumo projektjenge save finansirinela akaja banka thaj phendja kaj si gatisaripe vaš lungaripe labdardo maškharipe ano sektori transportno infrastruktura.